أبيات متجددة

ارفع مقامك عن عدوك وتوذيه
ويلحقك في تركت رفيقك ملامي
حق الرفيق وواجبه لا تخليه
يلزمك مثل الوالدين الحشامي
محمد السديري
لا تعترض أمر القدر في جدالك
لا تحسبن ان اللي مصيبك بيخطيك
قسمه احظوظ الخلق قسم السوالك
ومكتوب حظك يافتي في نواصيك
جف القلم باللوح فيما اقتضالك
اما سعيد الحظ والا مشقيك
عبدالله بن عون
لو كل من قال المعاني عسفها
ما صار نقص بالمعاني ولا زود
والبندق العوجا اتجنب هدفها
لا صار منظرها عن القطر مصدود
وغايه جميع الخلق ما حد عرفها
ارضى جميع الخلق ما هو بموجود
مرشد البذال
اليا بغيت اتحط كلش على المال
غديت صقار ابساقه هداده
تغثك الدنيا ولادركت به حال
مثل البعير اللي تقلد اشداده
عبدالله العلي