أقول يا رب من الفصل سلم

يا مشرف النقال لا هنت لحظات
اسمع كلام المشترك ثم تكلم
أبشرح اللي صار في عدة أبيات
واشكي على الله حالتي واتظلم
عميلٍ أميز ويشحن بطاقات
يضيف نجمه كل ما جا يتكلم
فاتورتي سددتها عشر مرات
ما بين قسط ورسم خدمة معلم
والحين لي يومين ماكل ولا بات
احاول أكلم ولأقدر أكلم
ودي أكلم ناعم العود بالذات
اللي غلاها في خفوقي معلم
اسأل عن الأحوال لا غبت ساعات
واخذ علوم صغيرٍ ما تعلم
أوله عليهم ما كتفي بالمسيجات
ادق مالي حاجة بس اسلم
وماموركم موجود في كل الأوقات
كنه لجل قطع الوصال متولم
وعذره ليا قلت الفواتير ما جات
قال المفوتر عندنا ما يسلم
والرد بالآلي يبث الدعايات
يعرض عروض من سمعها تألم
اخذ معه في بعض الأحيان سجات
وانا أحسبني فالمنام اتحلم
اقيّم الخدمة بواحد ونجمات
واقول يا ربي من الفصل سلم
عبدالله مرزوق المرشدي