المراجل ماتجي بالدراسة

قليل بالدنيا نعيش الوناسه
دام العناء خيّم على البعض والياس
والكذب نقمه لو يسمىّ سياسه
وأختل ميزان السعادة مع الناس
عوايد الأنذال فعل الخساسه
والبعض منهم للأسف ينحسب راس
وقت ٍ يقايض الذهب بالنحاسه
وأستفرست كيف الثعالي والأنجاس!
وثوب الردي لو طال ماهو مقاسه
والقرش شيّخ بالزمن زمرة أنجاس
والبعض بالدنيا غشته أنتكاسه
وإذا حكى كذاب بالخلق بلاّس
ينقل حكي مكذوب فيه النجاسه
ماله مع الأجواد خوّه ومجلاس
عنده دراهم ويتعشى لحاسه
يحشم لاصار المال للناس مقياس
وأحد ٍ عطاه الله حدّت فراسه
يميّز المحتال من طيّب الساس
وعمر المراجل ماتجي بالدراسه
وراع الرديه لو ضحك يضرس ضراس
عبدالكريم إبراهيم بن خزيّم