شيابنا أهل الجود

مشعل الذيابي
البارحة عن عيني النوم انتحى
نادمت ليلى والخلايق ممرحه
سهرت لين إن العرب كلٍ صحى
والضيق في صدري وعيا يبرحه
فالصدر هم من ونيني ما استحى
وفالعين حزن بالعباير تشرحه
دنيا تدور وتدرج مثل الرحى
حتى الحبال الشم خلتها برحه
شيا بنا أهل الجود شمطان اللحى
أهل النبا اللي كل صدر يشرحه
من فوقنا كانوا مثل شمس الضحى
واليوم غابوا في لحود الاضرحه
واللي بقى منهم تعزر وانلحى
له منظر حتى العدو ما يفرحه
غصنن تقشر عنه عيدان اللحا
أدنى مهب يعترض له يطرحه
من شوفته فالقلب وسم ما امحى
ودمع تسايل فوق خدي وجرحه