قطرات من بحور

يا محلا الفنجال مع سيحة البال
في مجلسٍ ما فيه نفسٍ ثقيله
هذا ولد عمٍ وهذا ولد خال
وهذا رفيقٍ ما ندور بديله
راكان بن حثلين
***
يقول ابن عياد وان بات ليله
ماني بمسكينٍ همومه تشايله
انا ليا ضاقت عليّه تفرجت
يرزقني اللي ما تعدد فضايله
يرزقني رزاق الحيايا بجحرها
لا خايلت برقٍ ولاهي بحايله
حجرف الذويبي
***
ان كان تنشد يالهويدي عن الطير
الطير والله يالهويدي غدالي
طير عذاب معسكرات المسامير
ان حل عند قطيهن الجفالي
شالح بن هدلان
***
قلبي يحب ملافخات السفيفه
ونوم الخلا عندي مضاريب وفراش
وسوالفي عند النشاما طريفه
ما هي خرابيطٍ تعود إلى ماش
فجحان الفراوي
اختيار: زهران عون الله المطيري / بريدة