من الذكرة

من لا يقلط شذرة السيف والكيس
بانت عليه من الليالي ثلومي
ومن لا يدوس الرأي من قبل ما ديس
عليه داسوه العيال القرومي
تركي بن حميد
مطاوعٍ قلبي بعجفاه وقداه
وإلى عطى منهاج دربٍ عطيته
يا ناس خلّوا كل وادي ومجراه
قلتوا كثير وهرجكم ما لقيته
عبدالله بن سبيّل
أشافيٍ عن لولوٍ يقلصنّا
إلى مزح قامت تلاعج عذابه
كنّ الشنوف ومقلده علقنّا
بريميةٍ لولاه حمرٍ ثيابه
عبيد العلي الرشيد
ماني مقابلها سواة الهديفه
إن كان ماني غازيٍ رحت طرَّاش
قلبي يحب ملافخات السفيفه
نوم الخلا عندي مضاريب وفراش
فجحان الفراوي