محمد بن ناصر السياري

شاعر وأكثر من صورة

المجلس اللي ماتجيه الرجالي
وش عاد بالكاشان لو يفرشونه
بعض الحزوم اشوى على كل حالي
لي صار راع الحزم ربعه يجونه
***
طيب
وغديت مثل العود مشراه غالي
وغلاة لاجل يحرقونة على النار
تشوف دخانه يجي له إضلالي
ويروح كنه ما تكون ولا صار
***
ضحك ودموع
ماكل من يضحك بدنياه مسرور
لو ضحكته دايم تحرك حجاجه
وما كل من يبكى من الناس مقهور
بعض الدموع رخاص من شان حاجه
***
جلساء
وتخيّر لك جليس تستوده
حكيمٍ يمّ درب الخير هادي
ولا تجلس مع اللي ما تريده
كثير الهرج نمامٍ ربادي