( الدرب الصحيح )

الشاعر حمود الجابري خص قراء( ملامح صبح )بهذا النص (الدرب الصحيح ) والذي يحمل من النصح والحكمة الشي الكثير ومع شكرنا له على حرصه وتواصله معنا، ندعوكم لتشاركونا قراءته حيث يقول:
استبيح العذر منك و السماح
كان قلبي عن خطا ذنبك نصيح
مايضر النصح بقلوب الصحاح
كل خوفي يضعف العزم وتطيح
المحبه عطرها بالطيب فاح
ساقها الله بيننا مع كل ريح
من غلا جيتك ومن باب المزاح
كلمةً بقولها لك و استريح
لا تبعثرك السواليف الملاح
ولا يغرك ضحكة القلب الجريح
صحبة اللي مايقديك الصلاح
هافي الذمه و منطوقه قبيح
حاول انك تنسحب قدر المتاح
واتركه و انساه يالفذ المليح
صاحبك لا من هفا مثل السلاح
طول عمرك يمكن ال غدره طريح
بالسعه وافي ولامن طحت ! راح
وان بغى جاء!وان بغيته لك شحيح
بسألك ! متى يكون الشوف باح
وانت غافل في حياتك ! مايبيح
دور اللي خوته مثل الوشاح
ان بغيت النصح و لا للمديح
في ملامح وجه اتشوف السماح
وفي مشاعر خاطره هرج الصريح
ان وصلته عدّ ينضح بالقراح
وافي المنطوق و لسانه فصيح
لاأذن المذن و حي على الفلاح
أستّعد و حثك الوجه الفليح
قال يالله كان تبغى الأنشراح
الصلاه افضل من النوم المريح
هذا هو اهم هقوات النجاح
كان تبغى الصح والدرب الصحيح