في انتظارك

تجمعين الوقت .. ف..شفاتي جريدةْ ..
تكتبيني ..
تشطبيني ..
نترك الصفحة قصيدةْ .. !
يا عنيدةْ ..
يامطر .. عيّت سحابة لاتفرط فيه والدنيا ظما ..!
يا سما ضمّت سما ..
لمِّي اللي يِنْتثر من سلّة الذكرى ورق ..!
وامسحي.. غيابك عرقْ .. !
علميني ..كيف أنام .. وكيف أحلمْ ِبكْ تجين..!
اسمع الساعة ..حنينْ ..
وانتظرك الليل كله ... واتسلّف له نهار ..!
تعرفين وتدعين ..؟!
تنكرين ْ .. .. ؟!
إنْ كل الوقت مني ..
وانْ نوم الليل عني .. !
نجمتين وانكسار ..!
بانتظاركْ ..
آه .. لو تدرين وش معنى انتظارك ... !
يمكن يكون الغياب .. وحزني افبابه .. قراركْ ..!
يمكن اني مرّة اب..غفلة ظلمتك ...
وكان هذا اللي يزلزلني مع الساعات ثارِك ..!
آه .. لو تدرين .. وش يعني .. تخلّين الغياب اللي يعذّبني خيارك ..! ؟
انكساري وانتصاركْ ...!
شخبطات اللون الاسود في قراطيس البياضْ ...!
انحسار الشمس .. وغبار الرياض ..
غربة اللحظة اف..داري ..!
آه لو تدرين وش معنى انتظارك ...
مثل ما تدرين وش معنى انكساري ...
اسمعيني ..
كل مافيني حنيني
الطريق اللي تدلِّيني عليه ..
يضيعْ فيني .. !
والمحلات الكثيرةْ .. فالشوارع ..
كلها تبْ تشتريني ..!!
واشتريْتِكْ ...
( كوب قهوة ) ثاني ... أو عنوان بيتكْ ..!
ما أدلّه ...
لو تحرّيتك .. بركنه ..
يمكن اني صرت كلّه !
واحتريتكْ ...
ذاك بيتِكْ ... لا .. أظنه ذاك ... يمكن لو أقلّه .. !
وينك انتَ ؟ ...
كان جاوبني بظِّله ..!
آه .. لو تدرين وش معنى انتظارك ...
سيرتي والظل ..
واوهام الطريق .. وباب دارك ..!
الشاعر والأديب
إبراهيم الوافي