نجران وعنيزة تتصدران ترتيب افضل المدن السعودية في موقع يور وندر العالمي

احتلت مدينة نجران المرتبة الاولى في سباق الترشيح لأفضل مدينة على مستوى المملكة والذي ينظمه موقع يور وندر العالمي والذي مازال يستقبل التصويت لاختيار أفضل مدينة بالمملكة وحصلت مدينة نجران على 5137 صوت تليها محافظة عنيزة 537 صوت يليها المدينة المنورة وحصلت على 409 صوت ومدينة بريدة على 126 صوت حتى كتابة الخبر ويمكن التصويت للجميع على الرابط التالي :
للدخول للموقع والتصويت اضغط هنا
قلنا لكم من زمان لكن غضب البعض علينا؟؟ والآن ماهو رأي من انتقدوا فعل شركة زين للاتصالات وبعدين امامكم الفرصة يااهل بريدة ورونا تقولون انكم نصف مليون يالله صوتوا لبريدة ونشوف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والا جيدين تعارضون الخالدي العتيد وبس؟؟؟؟
اذا قال لكم الخالدي العتيد شيئاً فهو لايتكلم من فراغ !!!!!!!!!!!!!!!!!!!!!!!!!!!!!!!!!!
من أين حصلوا على هذه النسبة؟؟؟؟؟؟؟؟؟؟؟؟؟؟ من التنظيم والبعد عن المهاترات والعمل بصمت ؟؟؟؟ والأدلة : ( لأنني لاأتحدث الا بدليل كعادتي ) : اقول الادلة كثيرة ومنها : هذا التصويت ونجاح مهرجان التمور ونقل زين للأرقام المميزة لعنيزة !!!!!!!!!!!!!!!!!!!!!!!!!!!!!! والان على الاحباب في بريدة التصويت بكثافة ونشوف.
أكيد بعض الناس يبي يقولون هذي مؤامرة من اهل عنيزة وان الموقع مشبوه ويجب تدخل المسئولين ؟؟ يحسبون المسئولين يتحرونهم ؟؟؟؟؟؟؟؟؟؟؟؟؟؟؟؟؟
والدليل على الجهل احدهم يطلب تدخل الدولة ضد اهل عنيزة لان شركة زين نقلت مقر الارقام المميزة لعنيزة ؟؟؟ بالله وش تقولون لهذه العقليات ؟؟؟
الخالدي العتيد
رديت على نفسك وأنت ما تدري
وأنا من أهل عنيزة
وأتسوق في مولات بريدة
وسوق بريدة للتمور والخضار والفواكة ببلاش
وتركوا عنكم الخرطي
قال صفوا صفين قال حنا اثنين
دوار الساعة وخلصت عنيزة
والصنقر كانك تعرفه
عنيزاوي يعد الحقيقة
شكرا لك اخي الكريم الخالدي
بس وسع صدرك وانا خوك ترانا برمضان
كفو والله ياباريس نجد يااحلى مدينة في القصيم بدون منافس
والله تستاهلي كل خير وفعلا شركة زين عرفت كيف تتختار واثبتت ان نظرتها ثاقبة
التمييز عنوانة باريس نجد
شكرا لك اخي الكريم الخالدي
بس وسع صدرك وانا خوك ترانا برمضان
نتمنى دوما التوفيق لجميع مدن المملكة بلا استثناء
واذا نجران او عنيزه تتفوق فانه من عمل رجالها الذين لا يبخلون على مدنهم بشي
والجميع فيهم الخير والبركه انشاءالله لتقديم وجه مشرق ومشرف للمملكة
واتمنى ان لا تكون الردود فيها شي من السلبيه والكلام السيء
ونبارك لمن تفوق ونعمل جميعا لجعل مملكتنا الحبيبه تفوق الخيال في كل مجال
ملاحظة:
اخوي الخالدي اركد الله يحفظك ولا تكسب اثم الناس بردود سيئه
ونعم فيك وفي مدينتي الحبيبه ((باريس نجد )) التي تغيض الحاسدين بهذا المسمى
لانه فيه من التفتح وعدم اللاتزام بالدين وهذا مفهوم بعض الذين يعملون للنيل من اهل
هذه المحافظه فارجوك ارتقي واتركهم(( فلا يضر السحاب نبح الكلاب))
أناااا أبريداوي وقل من حصل شي يستاهله الف مبروك المدينة عنيزة
كلهم احبابنااا
الخالدي العتيد انت وش سالفتك ؟؟
كل خبر وبالذات الي يخص بريدة تنقز بوجه وانواع السب!!
انا قصيمي ولكن ماني بريداوي عشان ماتنط بوجهي؟؟
رشحك مدينتك وبارك لغيرك
وأتمنى أن لا ننظر لبعض مهاترات الحساد ...
سلامي لك يا (( ابوبندر الشماسية )))) بكر تكبر وتشاركنا التميز
يالخالدي العتيد....
طلع كل اللي بقلبك .... استانس .... والله ما درينا عنك ...
لهذي الدرجة قاهرينكم .... ( )
يالخالدي
ياخوي وش دخل بريدة بالموضوع
بالامس تنهى عن شي واليوم تأتي بمثلة لا وبثلاث تعليقات متتالية تنهى عن عنصرية بعض اهل بريدة واليوم تتباها بهذا الخبر وبكل عنصرية
وبعدين يالحبيب ترى مكة المكرمةوالرياض وجدة وهما اهم من بريدة لم يكن لهما ذكر
في هذا السباق فهل عنيزه افضل من هذه المدن
والغريبة انك تتباها بالأمر وهو امر عادي وكأن هناك لجنة جائت من خارج القصيم وحكمت بالافضلية لتلك المدن والجميع قراء الخبر جيدا وفهم مما قراء ان الذي يرشح للافضلية هم اهل المدينة انفسهم
يا حبي دائما المدن الصغيرة سهل تنظيمها بعكس المدن الكبيرة من الصعوبه السيطرة عليها
اقول ترى عنيزه يستاهلون اللى هم حصلو وبريدة كذلك يستاهلون اللي حصلو وبقية محافظات القصيم
بس انت رجاء اخرج منها ولا تشبك الشوش بأثارة العنصرية التي كنت تحاربها في السابق
صووتوا لمدييينتكم الحبيبه بر يده
( ) (؟)
وبعدين يالخالدي ترى اهل مدينتك عنيزة تضايقو من تمجيدك لنفسك ومبالغتك في التطبيل لعنيزة فبتطبيلك هذا وتخيلاتك ارغمت بعض سكان القصيم على الاسائة لعنيزة وقد عرف عن اهل عنيزة بأنهم اناس يعشقون مدينتهم ومن شدة حبهم لها لايتعرضون للمدن الاخرى بالسنتهم حتى لا يسب احد مدينتهم وعندهم قاعدة تقول
(سبني ولا تسب مدينتي)
وهم تعودو على العمل بصمت وبالخفاء سواء بخدمة مدينتهم ام بالاسائة للغير وأنت بتمجيدك لعنيزةوأسائتك لبريدة وغيرها قلبت النظرية المتبعة عندهم ولهذا كثرت التعليقات التي تسيء لعنيزه بسببك واتضحت بعض الافعال التي يقومون بها في الاسائة لبقية بلدان القصيم الاخرى في بعض ردود المعلقين وكل ذلك بسبيك انت وبعض المطبلين على شاكلتك ارجع لخبر امس الذي هو عن الموقع الرئيسي لشركة زين لتقراء تعليقات وردود القراء وكيفية اظهارهم لحقائق غيرمعروفة من قبل يقوم بها بعض اهالي عنيزة
ارجوك كن عاقلا فالقصيم لن اقول منطقة واحدة بل سأقول القصيم مدينة واحدة بشرط ان تغلق فمك انت ومن هم على شاكلتك سواء من عنيزة ام من بريدة اومن اي مكان
انت يا من تسميت بوسع صدرك
هل انت لم تربى جيدا ام انك متعود على سماع الالفاظ السيئة وتعامل الناس بطبعك يجب ان تحترم نفسك وتتأدب بكلامك ولا تصف القراء بأنهم كلاب لكي لا تسمع مالايرضيك
وكيف تتمنى من القراء ان لايقولو الكلام السيء بقولك
واتمنى ان لا تكون الردود فيها شي من السلبيه والكلام السيء
ثم تأتي بالطامة وتصف من هم ضدك بالكلاب
يجب ان تتعلم كيفية تجنب العيب
يحليلك يبريدة والله من الناس الي ما يحبونك لكن الله يحبك
مبروك انتم الاولين انتم الزينين بس لته يتوفر عندكم ... كوع ربع بوصه لمكينتي الى في المذنب لا زم اروح للعاصمه بريدة
ياأخي مكتوب محافظة عنيزة !! وتقول مدينه !! منين مدينه .؟؟ هههه
أصلا مافيه مدينه بالقصيم ... الا بريدة يابعد حييي ...
.
كثر الهرج خله بمخباتك ...
وهل يصوت شخص بكامل قواه العقلية بمثل هذه الترهات ومسابقات الأطفال
التنافس بالواقع على الارض حقيقة وليس الركض خلف سراب
ولذا المتميزون في هذا التصويت نجران وعنيزة وكفى
الله يخلف على هذه العقول من مسابقة الهلوكسات الى هذه الخرافة
هذا اللي فالحين فيه
الخالدي الى انت من العيون
كم باقي من يوم وتغير
[ الخالدي العتيد ]
[ لا ينبغي لك أن تثق كثيرا في السعادة....
إنها آتية هاربة..... .منفلتة كلما أردت القبض عليها. ... قد تكون مثل عصفور جميل......يحط على حافة شرفتك.... لا تكاد تقترب منه..... حتى يطير ]
أشفقت عليك .....من كتاباتك دائما أشعر أن عندك إحساس بالنقص ...!!
تحيه لبريده الحبيبه .....
وتحيه لك ..
الاخ/ ابو ريم الشمري اشكرك من قلبي على تعليقك ولكن لا اقصد الاخوان
الذين يتصفحون هذه الصحيفة الجميله ولا اقصد ان اثير شي من العنصريه
انما اقصد الذين يحاولون دائما النيل من هذه المدينه بشي من الكلام السيء
وانا اقصد عبارات ((باريس نجد)) التي يكثر الغط فيها ومن يفسرها بكثير
من السلبيه والكلام الجارح جدا ونسو ان فيها ومنها خرج عظماء امثال
الشيخ ابن عثيمين وقبله ابن سعدي عليهم رحمة من الله وغفرنا .
ولا اقصد بهذه المقوله غير من يسيء لنا ((واللي ببطنه ريح مايستريح))
ولا اقصدك انت ايها الاخ الفاضل انما اقصد الذين يحاولون النيل من هذه المحافظه
اكرر شكري لك واسفي اذا قصدي لم يفهم لك ولغيرك
اقول ياشين الغرور بس انا أقول بريدة هي اللي تستاهل لا عنيزة ولا غيرها قال ايش قال عنيزة؟؟يا شين الحسد
الخالدي العتيدحفظه الله ووفقه
السلام عليكم
أرجوا أن لا تجعل نفسك ممن يهوي الفرقة والخلاف ،ويسعى في التفريق بين الناس ،وتغيير القلوب فلقد قال أهل العلم : (يفسد النمام والكذاب في ساعة ما لا يفسد الساحر في سنة) وما ذلك إلا لخطورة هذا المسلك.
أرجو منك ومن الجميع الالتزام وعدم الخوض بمثل هذه المهاترات.
بل يجب كتابة ما يساعد في لم شمل المسلمين ووحدتهم أياً كانت اعرافهم وانتماءاتهم.
والسلام عليكم
انا اعرف انها نجران والمدينه المنورة ؟؟ وش جاب عنيزة ؟؟؟؟
الرجاء تحري المصداقيه في نقل االاخبار
1/خرطي : على اسمك ويستغبي الناس اللي من عنيزة مايقول دوار واشري التمر من بريدة ياحبيبي ولي العهد مدح مهرجان عنيزة وشف الخبر بعاجل.
2/حمد : واقعي شكرا لك
3/ نجم سهيل : ماهو السب استخرج لي من كلمتي كلمة سب والا ارتفع ضغطكم وبديتوا تخابطون وتلابطون .لاعزاء للخرط والحكي اللي بالهواء انت قصيمي وبريداوي تكلم مثلنا ولاتكذب وش رافع ضاغطك اذا ماانت بريداوي يابريداوي
4/ احبك بريدة : يعني اذا مدحنا عنيزة نصير مهاترات المهاترات عدم اعترافكم بالواقعية والا الادلة امامكم شركة زين ومدح ولي العهد.
5/ بريداوي : ياحبي لك اذا انت مادريت عني وشو له ترد علي ههههههه
6/ ابو ريم الشمري : شكلك ودك تصير مثالي بس ودك تمدح بريدة ياخي مافيها شيء بس وسع صدرك حنا نقول حقائق واضحة في عاجل ليش ضايق صدرك وبعدين مايصلح تسكرون السنتنا نبي ننتقد للصالح العام وانتم ردوا بالحقائق لكن لاحظ جماعتك مايبون احد يحكي عاجل قالت خبر واعطينا رأينا وزعلتوا ليش؟؟ لان ماعندكم دليل فقط هجوم وافتراء وواحد يقول انك تسب طلع لي كلمة سب تحياتي لك ولشمر الكريمة القريبة جدا من قبيلتي العتيدة.
7/ عبيد بن علي : ياحليلك تقول صوتوا لعنيزة وراء ماتصوتون لبريدة هماكم تقولون ان عنيزة قال صفوا صفين وانتم تزعمون ان بريدة نص مليون صوتوا لبريدة وتتعدى عنيزة الا اذا ماعندكم ثقة وبعدين جماعتك لو يصوتون لموريتانيا ماصوتوا لعنيزة فنم قرير العين وخل قلبك على كراسيه تحياتي لك
8/قاقوقا : مكينتك بالمذنب : شوفوا اغلبهم مايعترف ببريدة مع انه من اهل بريدة هذا الفرق بينهم وبين المحافظات الاخرى واحد يقول انا من عنيزة وواحد من المذنب
10/ البقية اثبت الخالدي العتيد قوة حجته وادلته القاطعة جاب خبر من عاجل ومكتوب امامهم ورفع ضفطهم ولا واحد رد بالدليل هجوم واستهزاء فقط.
ألف مبروك لعنيزة اشادة ولي العهد الأمين بمهرجان التمور و100000 مبروك ثقة شركة زين و1000 التنظيم والترتيب ونرجو للجميع التوفيق والسداد
وارجو من عاجل عدم ىحذف اي كلمة .
الخالدي العتيد
عنيزه تستاهل واهلها رجال من رجالات القصيم
وحنا ابناء بلد واحد
لكن بردودك الكثيره هنا
لاحظت انك غير حيادي
وردودك لا تنتمي لاسمك
واتمني ان ترتقي باسلوبك
فعنيزة او بريده او نجران
كل ذلك لايقدم ولا يأخر بالنسبه لنا
بريده وعنيزه قلب واحد رغم انف المغرضين
الخااااااااااااااااااااالدي والله يانت فلجتهم
الى مزيد من التقدم ياقصيم العطاء
حبيب قلبي ابو عبد الرحمن : يبدو انك واقعي جدا لكن يلاحظ عليك انك ترد علي دائما لوحدي ؟؟ ارجو ان تدقق في ردود أعزائي اهل بريدة وانظر اينا واقعية ومثالية أنا والا هم ؟؟ وأنا راض بحكمك !!!! الاخوان جميع ردودهم تنقسم لأقسام:
1/ بعض الردود سطحية كأهلها : مثل غصب عليك!! وأنا من عنيزة بس أجي لابريدة وأنا قصيمي بس ماانا من بريدة ؟؟ طيب يااخوان ردوا رد علمي وليس عيبا انك من بريدة بل يجب ان تفخر لكن لاتتقول على اهل عنيزة وتقول انا من عنيزة وانت غير صادق البتة والا تقول قصيمي ولست من بريدة مع انك من وسط بريدة.
2/ بعض الردود تفتري وتقولني مالم أقله واحد يقول بدون سب فأقول اعطني كلمة سب واحدة في كلامي .
3/ بعضها يدعي المثالية في البداية ثم ينحى منحى تنازلي في العصبية مثل حبيب ألبي ابو ريم الشمري .
4/ بعض الردود مثالية جدا مثل ابو عبد الرحمن وحمد وخالد علي وغيرهم.
5/ البعض يخرج عن الموضوع ويدخل في امور اكبر منه يعني مايبغانا نحكي ببريدة والله ماتقول الا بريدة ملكه او ملك أبوه مثل ابو فهد التميمي يقول لي وش قصتك مع بريدة ومعه الاخ خرطي اللي يقول انا من عنيزة وهو شكله لو يروح يشري ببسي من الرياض ماشراه من عنيزة.
ختاما ارجو من الجميع الواقعية واللي به خير لديرته يصوت لها ونشوف لكن تبون الناس مايمدحون عنيزة والانتم مصوتين لديرتكم اقترح كل واحد يقعد عند عياله ويخلي اللي يكتب يكتب ولاعزاء للمفلسين وعديمي الثقة .
في الحقيقة لم يشدني الموضوع بكثر ماشدتني الردود ,,
الخالدي العتيد وراك واصلن أقصاك الله يحفظك ؟
تعصب غريب ينم عن عقلية جوفاء !!!
طيب ماهي ضوابط الأفضلية ؟ أفضل مدينة من حيث إيش ؟ تنظيم ؟ بحوث علمية ؟ نظافة بئيه ؟ ... ... .... ؟!!
يبدوا أنه ( زعبي ) آخر
دمتم بنقاء
الى مته بريده عنيزه الله يعطيكم العافيه مو هدا وقته
احنا بوقت فتن وازمات وادا استمريتو على الحال سنظل ما راح نرتقي بديننا ولا حضرتنا..
أنتم أمه واحده ولا تفريق بينكم ياخواني
عزيزي الخالدي :
من خلال حوارك وردودك استنتج انك لم تبلغ مرحلة الرشد او قد تكون متقدم بالعمر ولاكن امكانياتك التعليميه والثقافيه والحضاريه لم تواكب التطور وقد لاتعلم ان العنصريه والتعصب للمدن وغيرها قد تفتت وحل محله الرقي بالتعامل والحوار ، فما اهمية جمال المدن اذا لم يتحلى اهلها بالذوق العام والرقي والاخلاق الساميه .
لايمكن ان نتطور ونواكب الدول المتقدمه بل سنظل شعب نامي اذا كان اهتماماتنا مدينتي اجمل من مدينتك او عدد سكانها اكثر من سكانهم كما انت تتشدق به .
محافظة عنيزه جميله واهلها على قدر كبير من اللباقه بالتعامل وانت لاتمثل بصوتك النشز الذي يهدف الى الفرقه والعداء اهل عنيزه فهم ارقى من ان تتكلم باصواتهم .
ومدينة بريده شامخه بعراقتها وتطورها واصالة اهلها .
فانت ينطبق عليك المثل القائل :
قلب الاحمق وراء لسانه ولسان العاقل وراء قلبه .
لان كلامك وحوراك يحتاج الى فلتره قبل خروجه .
وما يعيب ساحات الانترنت انها متاحه لاي شخص يكتب مقال او يرد عليه حتى لوكان محدود الثقافه والادراك كما هو حالك .
وقفه : اتمنى لك حياة نفسيه هادئة وان تستعين بقراءة القران الكريم والعباده الخالصه لوجه الله وتطوير ثقافتك حتى تستطيع تقويم شخصيتك وتواكب الحضاره
ودمنا ودمت بخير
حبي يالخالدي يانت عليك تخيلات
جالس لوحدك وجالس تبرمج وتولف قصص في مخك وتتخيل ان فيه جمهور متحمس معك ومتابع وفي بالك انك قوي الحجة وان هناك فريقين ينتظرون النتيجة
وكأني اراك جالس تكتب وتمسح واحد اصابعك على لوحة المفاتيح والاخر في انفك من شدة الحماس وتارك اشغالك واشغال اهلك وانا اقسم بالله ماحد دري عنك
وأعلم ان ثلثي القراء يقراء الخبر ثم يكتب الرد ويذهب لاعمالة ولايعود
ياحبي
ذبحتنا بتوليفك وتخيلاتك انا جبت ادلة وانا قوي الحجة وانا وانا
لا وجايب دليل ان زين رأت ان الافضل هي عنيزة وأختارت ان يكون المركز الرئيسي فيها
ياخوي ترى الاتصالات وموبايلي المراكز الرئيسية لهم فاتحينها ببريدة من زمان وكثير من المراكز الرئيسية سواء مؤسسات حكومية اوغيرها موجودة ببريدة ومع ذلك الامر عادي ولم نتكلم عن براهين اوغيرها شغل مخك شوي في كلامي السابق حتى ترى ان ادلتك ليست ادله حقيقية وان حبك لعنيزة وكرهك لبريدة هو الذي يحرك اصابعك على لوحة المفاتيح
ارجوك لاتجعل الهدف من كتابتك هو ارضاء اناس من عنيزه وكذلك انتظار الثناء منهم
لأنه ان كان هذا هو هدفك ستعود مرة اخرى للتخيلات وتوليف القصص على اصحاب الردود وما الى ذلك وستبتعد كثيرا عن البحث عن الحق
ياخلودا اعقل!!!!!!!!!!!!!!!!!!!!!!!!!!!!!!!1
الله يهديك ترى الناس لها عقول وتقراء وتميز ليس كثرة الكلام والثرثرة الزايدة هي التي تقنعهم حتى ربعك من عنيزه يدرون انك كيف الحال
وبعدين ليش تتهم كل من لم يقف معك ولم يمجد عنيزه وهو من غير بريدة انه كذاب ومدعي او الظاهر انك تعامل الناس بطبعك وتدعي انك من العيون وأنت من عنيزة
وهذا الاكيد لان هناك الكثير غيرك عملها وتم اكتشافه مثل رفيقك ابو بندر اللي يدعى انه من الشماسية فانا اعرف اهل العيون ولي فيها اصدقاء وهم اناس لايعنيهم هالخرط بريدة وعنيزه وما الى ذلك والشي الذي يهتم فيه شبابهم هوا الصيد والكشتات فقط
لا وتتهجم على اللي يتلفظ بألفاظ لم تعجبك وأشقيت نفسك بالرد عليهم واحد واحد وربعك اللي يطبلون لك - ياخوي قالو عن بعض اصحاب الردود بأنهم (؟؟؟)وأكراما لك وللقراء لن اكتب الكلمة وأن اردت ان تعرفها اذهب للرد رقم 8
الله يكرهك ياخالدي كرهتنا عنيزة
حبي الله يعينك ويعين اهلك عند جلوسك لكتابة الرد علينا اوعلى غيرنا
لا ولا انس الدعاء بأن يعين خشمك لأن عركه وتنقيشة زيزيد هذه الليلة
واخيرا اشكر لك الثناء علي وعلى قبيلتي وان دل ذلك على شي فهو يدل على حسن اصلك الكريم
تحياتي لك،،،،،،،،،،،،،،،،،،،،،،،،،،،،،،،،،،،،،،
الى المدعو الخالدي انا قوله هذه الابيات لاعلى وعسا ان يفهمها هذا اذاكان يفهم وهي/ ( اذا اتتك مذمتي من نقصا ,,,, فهي الشهاده لي بأني كامل) وشكرا .
نجران ثمن عنيزة
هههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
خوش تقييم ولله
ابو ريم الشمري
اول مره اضحك من قلب كني اشوف الخالدي وهو متحمس بالكتابة وأصابعه واحد فوق وواحد تحت من كثر الحماس
انا اشهد انك افحمت الرجال وتراه يبي يروغ مثل العادة بس الصورة وضحت
ياحبي لشمر اللي انت منهم
شكرا لك
يا ناس ياعالم افهموا ....................
كل موضوع ادراج اسم عنيزة بالخبر علشان تروحون تصوتون وتنافسون
لو ماذكر اسم عنيزة مالقيت احد يصوت
الله يرحم حالكم الى الان عنصرية
على العموم بالتوفيق لاهل عنيزة
الاخ خاص
كلامك جميل وواقعي ارجو من حبيبنا الخالدي وغيره من المتعصبين قرائته جيدا والاستفادة منه
شكرا لك
أنتو عطيتو الخالدي أكثر من حجمه وشو الخالدي علشان تردون عليه والله إني شره على كل واحد رد عليه بريده وعنيزه عينان في رأس واحده وبريده العاصمه وعنيزه محافضه تابعه لبريده وبريده كالشجره المثمره يرميها الأطفال بالحجاره وتهديهم الثمر هذه هي بريده بريده الخير والعطاء والسخاء والسلام وأهل العلم والعلماء وعلى رأسهم الخريصي رحمه الله والعوده والخضير والعجلان والعبيد وبن حميد رحمه الله وغيرهم كثير
الخالدي ياخي يا انت مسوي زحمه لهم خلهم بحالهم لا يطق فيهم عرق
وربي تكسب اثمهم اتركهم يتكلمو ولا ترد شوف اخرتها معاهم
بعدين ترى بردودك هذه تجعلهم يسبو مدينتي الحبيبه((باريس نجد))
فلا تجعلهم يتطاولو عليها للنيل منك حتى لو بالكلام وتجعلهم يكرهوننا جميعا
يكفيك شهادة صاحب السمو الامير سلطان بن عبدالعزيز حفظه الله
خذ هذه الردود الجميله وجعلها وسام لك ولنا جميعنا على صدورنا
ولا تلتفت خلفك وانما عنيزه واهلها يسيرو بثبات
فحفظ الله لنا مملكتنا الحبيبه
ابو صالح لي تحفظ على (( الشجره المثمره))
ولكن للاخ الخالدي الحق في الفخر بمحافظته ولك الفخر انت بعاصمتك
ولكن لا تسيء للغير والخالدي قال لكم انظرونا ما انتم فاعلون من باب
المنافسه الشريفه فقط ((صح الخالدي))
ولكن من ردودكم تبين حقدكم على هذه المحافظه واهلها مع الاسف
واذا هذه الردود تبع من اناس اتوقع انها مخيخات متحجره مع الاسف
اعانكم الله على تفكيركم وعلى الخالدي الذي كسب اثمكم ورفع ضغطكم
وسويتم له دعاية واسم كبير في ردودكم بالمجان
( ) الخالدي شكلك مبسوط بس وربي ما ابيهم يسبو ((باريس نجد))
اتمنى ان تتحمل كل قذف ورجم انت فقط وتكون حصن منيع لعنيزه الله يعينك
انا بريداوي وابارك لعنيزة هذا التقييم سواء صدق التقييم ام كذب
عنيزة مجتمع يبذل الغالي والنفيس لديرته رغم قلة الموارد والامكانيات اذا ما قارنا ببريدة .
عنيزة لو تطلب بلديتهم من اهل عنيزة يسوون جمعية عشان تطوير عنيزة لما ترددوا في ذلك ولا لحظة .
عنيزة ماعندهم عنصرية جوفاء هذا ( خبوبي امه بالدار حطه بالمقدمة ) وهذا مهب راعي ديرة جاي من ذيك الديار انتبه تحطه بمنصب .
وهذا من ذاك الخطيط انتبه يقربنا بادارتنا وهذا ولد الفلان على سن ورمح يجي وراسه مرفوع .
عنيزة ياحبيبي مدينة مثالية صنعت الاعاجيب في دفاعها عن ارضها قديما وحديثا والتاريخ له شواهد .
عنيزة ياحبيبي لو عندهم امكانيات بريدة لا أصبحوا افضل مدينة بلا منازع ,,
وحنا ببريدة سمننا بدقيقنا ومع ذلك ماسوينا شي .
لا يغرك هالمشاريع اللي تم افتتاحها والمولات والاسواق والشوارع مهب عشان سواد عيونك يابريدة هذولا ناس جايين يترزقون الله ولقوا الكثافة السكانية المتمثلة بالغثاء من البشر الذين اتفقوا على ان لايتفقوا ولكنهم اتفقوا في تدمير مدينتهم ,
تعال على سبيل المثال : شف الخبر اللي نقلته عاجل امس عن الميزانية المصروفة للبلديات والامانة ومع ذلك صرفت الميزانية ولم نرى اي مشاريع تذكر مجرد بلك مصفوف بالارصفة وثيل ومللاعب محبسة كانها شبك قرودة والكرامة للقاري الكريم
ابقولكم شي ياهل بريدة وشي بعد مهم بالحيل وانا واحد منكم....
انتم عالجوا امراضكم الاجتماعية بكافة انواعها وبعدين تعالوا انشدوا عن التخطيط الحضاري والتنظيم الاداري وحطوا ايدينكم بيد بعض وطورو بالفعل مهب بالقول
مع اني استبعد تماما ان تتعالج مدينة بريدة من امراضها الاجتماعية الا اذا جاء السامري ومعه حفنته ونثرها عليكم يعني باختصار مستحيل .
مع تحيات محب بريدة ومقهور من اهلها ..
الخالدي
ماقلتلك عليك تخيلات غريبة فجميع اصحاب الردود والتي اهلها من خارج بريدة اذا اثنو على بريدة ولم يمدحو عنيزة تحاول تقنع القراء انهم من بريدة والعكس هو الصحيح والدليل انت نفسك ادعيت انك من العيون وغيرك ادعى انه من الشماسية
وها انت تأتي بأسم فتى الاسياح عاد مالقيت غير الاسياح لا وتصير بعد فتاهم هذه المرةخانك مخك لأني اعرف الاسياح زين فهم ممن يحبون بريدة ولا هي غريبة حركات التخفي على اهل عنيزة فهم متخصصين فيها والدليل مسؤولي المواصلات الذين من عنيزة وكيفية اضرارهم لمحافظات القصيم وخدمة محافظتهم بالخفاء
وبعدين لا تتبراء من صاحب الرد 8 لانه اعتذر وحس بغلطته ومن شدة حبه لديرته لخبط بالكلام
يابعدي
اثنيت على الاخ الذي يقال له ابو عبد الرحمن وطلبت منه ان يحكم فارجو ان تقراء السطر الرابع والخامس والسابع من كلامة لتعرف حكمه لانه قراء كلامك ولم يرد لقناعته بأن ما قلته تخيلات ولكي تعرف من منا جايب حاصله ويمكن يطق فيه عرق
*مهاجر:
اضحك الله سنك دائما وشكرا لك
سدوها
ياجماعه كل واحد يصلح سيارته ..
اهم شي التمر هاليومين مايرتفع سعره .. لان القشطه محافظه على سعرها .حتى هذه اللحظه ..
.
والله ياأخوان من حصل شي يستاهله
بس ما لحظتوا انه من معالم محافظة عنيزه فندق موفين بيك ما دري هل عنيزه استعارو الفندق ولا مادري وش السالفة!
يلا شباب ما بقي الا شي بسيط و نتعدى نجران
شدوا الهمة.....
ههههههههههههههه
حلوه عنيزة المركز الثاني
ياناس عنيزة القنيزة مافيها شي هي حي مثل حي الربوة بالرياض
والله مافيها شي يافيه إلا منتزة وسوقين والباقي كله خرطي
ويقولون عنيزة مدينه أول ماتدخل عنيزة بعد 100 متر راح تلاقي دوار الساعة اللي مكيفين عليه اللي يوم تشتغل وشهر يخرب وبعد 500 متر تطلع من عنيزة ولكن
الأسواق اللي بعنيزة مثل سوق التمر الخرطي مساحته20م2
أهل عنيزة يجون لبريدة أبي أدري ليش يجون لبريدة ويكرهونه
وعلى فكرة فوق 50 شخص من عنيزة يجون لبريدة بس اللي اعرفهم
وحمق بالمرة او يشغل هناك لانه مافيه واضايف بعنيزة بس 4مدارس
ههههههههههههههه
حلوه عنيزة المركز الثاني
ياناس عنيزة القنيزة مافيها شي هي حي مثل حي الربوة بالرياض
والله مافيها شي يافيه إلا منتزة وسوقين والباقي كله خرطي
ويقولون عنيزة مدينه أول ماتدخل عنيزة بعد 100 متر راح تلاقي دوار الساعة اللي مكيفين عليه اللي يوم تشتغل وشهر يخرب وبعد 500 متر تطلع من عنيزة ولكن
الأسواق اللي بعنيزة مثل سوق التمر الخرطي مساحته20م2
أهل عنيزة يجون لبريدة أبي أدري ليش يجون لبريدة ويكرهونه
وعلى فكرة فوق 50 شخص من عنيزة يجون لبريدة بس اللي اعرفهم
وحمق بالمرة او يشغل هناك لانه مافيه واضايف بعنيزة بس 4مدارس