"الاحداث" قصيدة للشاعر ذيب الحميداني

الوضع مزري والمصايب عظيمه
مدري مقاطع فيلم اكاديمي استار
واللا حقايق والسلامه غنيمه
ناسن تمثل قصة البس والفار
ووجه البسيطة صار مسرح جريمه
ابليس يرقص والعرب دمهم حار
وامجاذبن بين النصر والهزيمه
زعيم شعبن قام يصلاه بالنار
وشعبن غدا يلعب بجثة زعيمه
لكن مهما كان فالعالم وصار
يعيش ويموت الصتيمه صتيمه
يادارنا تسلم من الشر يادار
في ظل حكم اللي عسى الله يديمه
خيالة العوجا الميامين الاخيار
اهل العداله والقلوب السليمه
وشعبك يذر الملح فعيون الاشرار
وعدونا يبرم وننقض بريمه
الشاعر / ذيب الحميداني