بمناسبة اليوم الوطني كتب الشاعر بندر المنصور قصيدة فرحة وطن واهداها لكل محبيه وعشاقه بمناسبة اليوم الوطني للملكة العربية السعودية. ( فرحة وطن) يا لله يا مدبر تصاريف الاكوان عليك و بسمك يا عظيم اتكلنا نعوذ بك من كل فاسق وشيطان لا لجلج ابليس وقرع فوق شنّا احمايتك وانته على كل الاعوان خير الحفيظ اللي بحفظه كفلنا تحمي بلدنا لا بدا ناقص الشان يحفر ويدفن لجل يآصل وطنا لا شك يبطي مالحق عز الاوطان يبطي عظم ما قد حصل ما تمنا الدين ثابت من على ساس واركان حنا هل التوحيد والدين حنّا إسلامنا قدره على كل الاديان فضل الكريم اللي بفضله يمنّا أمن وأمان وفخر في كل ميدان وطاعة عظيم وخير فضله شملنا والتاليه ما بين لولو و مرجان من قبل ما ينساق هيل(ن) وبنّا الحمد للي ساق للدار شجعان ملوك(ن) تحوز المجد منّا و منّا ملوك(ن) ذراها من ذرا صدق الايمان حكّام شرع الله صعوط المجنّا العهد باقي دام للعلم ميزان عليه يرجح سيفنا اللي محنّا مظهار عز(ن) صار للعز عنوان عبدالله اللي فيه نضرب مثلنا عز المواطن غيث بدو(ن) و حضران وهايبه فالارض شام(ن) ويمنا عدل(ن) على الدعوه حفيظ(ن) بالاحسان لا بد نفخر به ويفخر زمنّا الشبر وافي والحقايق ببرهان حقايق(ن) لا شك ماهي بظنّا واليوم عيد الدار والدار بآمان عيد الوطن من شانه الطير غنّا في حروة(ن) من فوقها غر الامزان سحايب(ن) بالخير قامة تحنّا فرحة وطن بعيون شِيب(ن) وشبّان فرحة وطن والكل عبّر بفنّا
