طهور

يدوم عزك يا زعيم السلاطين
طهور والمسلم عسى الله يثيبه
مأجور يا حاكم بلاد الحرمين
والشعب يدعو لك شبابه وشيبه
يدعون دايم ساجدينٍ مصلين
تباشري يا مملكتنا الحبيبه
طاب الامام اللي بطيبه تطيبين
أسعد خبر يوم الاذاعه تجيبه
بشرى سلامة سيدي يوم الاثنين
اللي اليا من طاب نفرح بطيبه
عم الفرح كل العرب والمحبين
نهج العداله موهبه من نصيبه
مسيرة الفاروق منها خذا الزين
مع درب أبوه ومنهجه يقتدي به
عبدالعزيز مكون المجد تكوين
والشكر للي ما علمنا بغيبه
ربٍ حفظنا عن جميع الشياطين
يوم الدول كلٍ جراله مصيبه
ثارت عليهم من بعضهم براكين
حنا بخير وعلنا نهتني به
الله يديم الأمن والعز والدين
بقيادة اللي عزهم نعتزي به
عزوة هل العوجاء الدهاه الميامين
في ظل فاروق الزمان وطبيبه
الحاكم العادل عسى عمره اسنين
اللي لشعبه كل خيرٍ يجيبه
ارخى علينا لين صرنا غنيين
الشعب واللي يلزمه يعتني به
عبدالله اللي عادلٍ بالموازين
مثل السحاب اللي علينا صبيبه
غيثٍ يغيث العالم المستغيثين
يعطيك من خيره وجوده وطيبه
دامه لنا موجود حنا حظيظين
الشاعر/ بداح بن محسن بن عبود السهلي