طب المجالس

على شان الحقيقة والحقيقة تلفت الأنظار
أبكتب وأنظم أبيات القصيدة مع معانيها
عسى دار الرجال أهل الكرم ينزل عليها أمطار
تشوف الخير بأمر إلى يميت الأرض ويحييها
رجال علمهم غانم رجال ماتبيح أسرار
ولاتشتم ولاتكذب وترضي من يخاويها
ترى ماهو من العيب الخطاء والعيب بالتكرار
يكحلها ويرفع رمشها ويرجع ويعميها
لياطب المجالس يلقط الهرجة تقل رادار
مدى سده قريب ورجله تقصر في خطاويها
تقول انه وكيل أدم على ذريته سبار
وهو في ذمتي جمع العرب بالشر ناويها
ترى ياهل ترى!! نمام وفعله بالقفا جزار
اذا عه للهروج العوج لأجل إبليس يوحيها
إذاعة قيل مدري قال نمام يذيع أخبار
يدبلها ويلغمها ويركبها ويرميها
سريع الهمز بين الناس لماز يشب النار
طبيعة لعنبوها من طبيعة مايخليها
لياجاء بالقفا يشبه عدوك وأوسخ من الفار
ليا حدث كذب كذبه تبين لك مواريها
تصفق له شياطينه وترسل للخبيث أفكار
حمار إبليس يحملها حمار إبليس يوديها
ألايلي تقول إنك مطيع لوالديك وبار
نصيحة لاتنافق بين خلق الله وتوذيها
علامة من علامات المنافق بالعرب ثرثار
أكيد قلوبهم مرضا عسى ربي يعافيها
ألا ياكثر ماجربت بالدنيا حلا وأمرار
لكن أبنفض ثيابي عن ننوبي وبريها
صلاة الله على الهادي عدد مانلعن الكفار
ومن يفعل فعايلهم من أولها لتاليها