ديرة المستقبل

رفة البيت

إذا جاء تالي (1) كل أسبوع الواحد يطلع مع المعزبة والورعان (2) علشان يهجون(3) من الجدران والزهق وإن طلع ما يعرف غير البر، والبر كله غبار وعقارب وديبان. وإن فكر يجلس بالديرة ما لقى شيء يصلحلهم حديقة الملك فهد خمس عوايل وتمتلي وإن طلع للحديقة ألي على الخط السريع انفجر راسه من التريالات والسيارات.. إلا على طاري هالحديقة أنا مدري عن بلدية المجمعة ما لقت غير هالخط السريع تحط عنده حديقة لا وفي راس ضلع.. نعود لموضوعنا أقول وإن رحت للسوق المحلات نفس المحلات من طلعت على الدنيا وهي ما تغيرت، وإن هجيت للرياض وألا القصيم لقيت أهل المجمعة يسابقونك على الأسواق الزينة والحدايق التي تشرح الصدر.. الديرة كل يوم تكبر ويكثرون أهلها وحنا مغير ما سكين هالخطوط تمتير لا والزينة تدري وشهي؟ بلدية المجمعة من زين الطبايع معلقة لوحة وش كبرها أول ما تدخل الديرة مكتوب عليها مدينة المستقبل أي مستقبل وأهلها يمشورون من ديرة إلى ديرة حتى اشيقر امتلت من أهل المجمعة.
ماقول إلا الله يعين على الصيف قرب ولا ندري وش نزين.
1 نهاية.
2 الزوجة والأطفال.
3 يهربون.