كل الوطن ينعاه

في شهر ذا القعده ثنين وثلاثين
جاني خبر كدر علي المزاجي
وفاة أبو خالد زعيم السلاطين
سلطان راع الخير طلق الحجاجي
مرحوم يا ميرٍ بكته الملايين
يالله على عبدك عساها انفراجي
كل الوطن ينعاه بدو وحضارين
والشرق الأوسط مع بلاد الخواجي
أبو اليتامى والضعوف المساكين
وأهل العوز واللي يبون العلاجي
ياكثر ما يعطي بعيد وقريبين
والبر والاحسان ومن جاه لاجي
خيره يعم أهل الوطن والبلادين
وكل الشعوب يمدها بالخراجي
ويالمسلمين القانتين الميامين
حجاج بيت الله جيتوا فواجي
ادعو معي منزل تبارك وياسين
يسكنه في الجنة لوجهه يناجي
وصلاة ربي عد من قالوا أمين
على رسول الله للأمه سراجي
حجب العصيمي