روزنامة الشوق

بشويش تلفحني وبشويش تجرح
**
مافيه داعي اسهب الهرج والسرد
لاصار مابه شي يبهج ويفرح
**
اشرب فناجيلك جفا واهدي الورد
وانثر عبير الحب في كل مطرح
**
اتصدقي حتى ترى ابياتي الشرد
صارت لسيرة جرحي اليوم مسرح
**
يكفي زرعت الورد ف ايامك الجرد
وانتي تركتيني للأحزان م ابرح
**
رحتي ماكنك غير من يلعب النرد
طشيتي الاحلام والبعد يسرح
**
نورك خفت والنوم طوّل به الحرد
في سكة الهجران يشرح ويشرح
**
جدّلتي احلامي وقمتي لها صرد
والجرح مع فرقاك يسرح ويمرح
**
روزنامة الاشواق بعدك بلا ورد
مكتوب فيها الفقد للجرح يطرح
**
شعر محبكم / متعب آل حشيان الروقي
motab545@hotmail.com