جده تخاف المطر ..

الله يحمي مملكتنا عامه وجده خاصه ..
جده وصارت تجر الخوف يوم الربوع
تتكرر الكارثه ونقول طبق الاصل
**
صاب العروس التجاعيد وبدت لي تروع
الله حسيب الامانه عقب هاللي حصل
**
ياامين جده تنح اطفيت نور وشموع
وخليت جده تئن بكل فصل وفصل
**
صار الغرق وسم في جده وكم له فروع
تشجّر الجرح فيها والامل ماوصل
**
جده تخاف المطر وتعيش في جو روع
قطرة مطر تغرق الاحيا وتقطع وصل
**
عاشت بلادي وحان الان وقت الطلوع
ماودي استرسل ابسردي ويكسر نصل
**
شعر محبكم / متعب آل حشيان الروقي
motab545@hotmail.com