شعور البدايات

واللي خلق صُم الجبال المنيفات
واللي بسط للآدمي ها لبسيطه
إني معاد أسامحك أنت بالذات
بأصير مجنونة خصام وسليطه
بابيع قلب يسهر الليل ما بات
واشري لعقلي كم كتاب وخريطه
اسافر بفكري بلاد ومحيطات
اسج دام السالفه مستشيطه
مثل الطيور ان رفرفت فالفضاءات
وقامت تحوم بلا هموم ونشيطه
باحاول اني اشتري لي مساحات
فيها جنون الشاعرة والعبيطه
فيها حكاية بنت مجنونة أبيات
هاجوسها مخمخ على ما تحيطه
مخمخ على صوت الغلا فالحكايات
لا غلّف المحبوب ورد وشريطه
الله يامجمّل شعور البدايات
القلب أخضر والنوايا بسيطه
لكن ليا من الغلا صار بسكات
حتى لسانك لو بغى الهرج خيطه
القلب مات وصاحب القلب ما مات
عايش بقلب الشاعرة والعبيطه