لآلئ شعرية

في مدرسة دنياي علمني الوقت
درس الحياة اللي كتبني قريته
الطيب درب اليا مشيته توفقت
ويعثرك درب الردى لا مشيته
بيتٍ كتبته مختصر فيه وثقت
معنى الشهامه مثل سهم ورميته
رجلٍ ليا من جيت عندة تضايقت
ورجلٍ ليا منك تضايقت جيته
غربت في عمري تجارب وشرقت
ولا فيه حزم من الحزن ما رقيته
صوتي صدى حلم ومن الحلم ما فقت
والشعر ليل ارتاح به لا سريته
وعلى قلوب اللي تهقويتهم وقت
وكم قلب لي به جرح ابد ما هقيته
خوي عليه كبار الامال علقت
وقريب يوم ابطى علي احتريته
يا صاحبي من كثر انا ما تذوقت
خذها من اللي لابغيته لقيته
ينساك من حبيته وبه تعلقت
ويذكرك من حبك ورحت ونسيته
يجفاك من لا مر طاريّه اشتقت
ويشتاق لك قلبٍ نصاك وجفيته
وحده بوحده تحترق مثل ما احرقت
وتكوى مثل ما قلب غيرك كويته