لآلئ شعرية

ياكثرماكنت أسولف لك عن آمالي
واقول خل الخطايا بينك وبيني
ياما سهرنا نلوّن برجك العالي
جنوب ذيك المنازل عينك فعيني
تقول قلبي وأنا أدري خافقك خالي
منك القسا يكتب العزلة ويمحيني
حبيت والحب فعله يرفض اقوالي
لوقلت عن سر حبك مت في حيني
ياقصة الامس يانزفي ويا اطلالي
ماللسعاده طريقٍ لو توديني
اخلصت والوقت مع جرحي وغربالي
كتب على لوحة أحزاني عناويني
أجمل سنيني قضيته وأنت في بالي
واليوم ما عاد بالي يذكر سنيني
شفني بقايا ألم مشتاق تبقالي
ياأجمل قصيدة على صفحة داوويني