عطش!

البارحه دق هاجوس الملام وسرحت
الله من ضيقة الخاطر وغربالها
صبيت فنجان حزني وارتكيت وقدحت
كانت في بالي وأنّا ماني على بالها
يازارع الورد وبلادك عطش مافلحت
والبيد سكة ظما والريح موالها
ليتك قبل تتعب ركاب الحنين استرحت
ماكل غيمه يبل القاع همالها!!
والا انت ياللي عن اطراف المدينه نزحت
وش عاد لو المدينه توثق اقفالها!
تعال قلي:وش اللي ماخذيته ورحت.
قلي : من اللي قوى الفرقا وغنّى لها
ضحيت لجلك كثير وياكثر ماانجرحت
تصغر بعينك كذا...الاحلام تغتالها!!
ياما تغاضيت باسبابك وياما دمحت
وانا ادري انك تدورها وتسعى لها!
ماكنّك اللي تخيّرت الجفا واستبحت
عامين وأيامي السودا على حالها!
شفني على كثر صدمات الرفاقه نجحت
تخيب أكثر هقاوينا ونشتالها