مدلّلك قلبي

==1==يا اللي تحَسْب إني اعْشقك واتسلاّ==0==
==0==وش غير عشقك زارعٍ بي شيبي
لمّا تزعّلني تجي تتبلاّ==0==
==0==و اعاملك من ذوقي و من طِيبي
وانْ كان تحْسبني عليك اتغلاّ==0==
==0==ما جبت أطباع الغلا من جيبي
جبته لأنك تُوعد وتتخلاّ==0==
==0==دايم تواعدني و لا توفي بي
أجي على ميعادك أمّا ولاّ==0==
==0==تسعين بالميّه و لا تدري بي
أبثّ لك مُرّ الكلام محلاّ==0==
==0==و تبث لي من بثّك التجريبي
أسرفت حالي يوم حالي ولاّ==0==
==0==عصّبتني واثّر عليّ تعصيبي
كلْ ليلةٍ يقرا عليّ المُلاّ==0==
==0==أجيك في و عيي و اروح بغيبي
ما كني اللي علّمك تتعلاّ==0==
==0==ومْدلّلك قلبي دَلال "البيبي"
لو تطلب الدنيا أقل لك "يللا"==0==
==0==واصير لأجلك "راجحي و قصيبي"
اقول لك باكر تجاوب "هَلاّ"==0==
==0==تحَسب البنك المركزي في جيبي
يا تمرة الشام و عِنب المْكلاّ==0==
==0==أطخم و لكن مو كفو ترحيبي
أدلّعك و اكتب بك و أتجلاّ==0==
==0==وأنته كذا تجي تدوس قليبي
دامك كذا ويّاي حاشا و كلاّ==0==
==0==انسى وصالي و ابشر بتزليبي!==2==