النجاح

الفشل ما هو من أسباب النجاح
هذا أنا كم لي فشلت وما نجحت
لو يحسّ الجارح بعمق الجراح
كان فكّر قبلها بمعنى «جرحت»
شوفني مثل المطر ل اقبل وطاح
رغم قسوة طيحتي لجلك فرحت
جيتك بنفسي ولا بيدي سلاح
وياكبرها ان قيل للرجّال: صحت
غيبتك تذبح ولو كانت مزاح
ليتك لقلبي قبل هجرك ذبحت
وليت عطرك يوم مرّيتك وفاح
اسبقتني الريح لأحضانه ورحت
ما بقا لي غير آمال الصباح
وما بقا لك غير دمعي لو طمحت
في يدي عزمي وب أحلامي صلاح
وغير قدسك يشهد الله ما فتحت
ويوم بان الحزن في عيني ولاح
لاحت دموعي على خدّي وصحت
لا تقول الجرح يمحيه السماح
ما تروح آثار جرحك لا جرحت
هذا أنا كلّي لأيامك كفاح
لا تخيّب ظنّ «أحمد» لو سمحت
انشراح الصدر من بعد الجراح
تهدمه ذكرى الليالي وإن فرحت
مدري عيبك سقتني عكس الرياح
والا عيبي عكسها بحلمي سبحت
بسّ مقيوله مدام العمر راح
وش يفيد ان همت بأحزانك وطحت
اقتنع بأن الفشل سبّة نجاح
دامك بهمّك وبأحزانك نجحت