عواكيس

* صاحب الدم الخفيف معكوس هل تتوقع سامي بيدرب الهلال؟
ابو عمار العبدلي -ابها
- مايبي لها حكي أسرع مسكن للجمهور!
* الاخ العزيز المحترم فريق بلا هجوم لابد ان يخرج مهزوم عطني رأيك في اجانب الهلال وبالذات اللاعب اوزيا الذي تسبب في هدفين امام الاتحاد وقدام لخويا ؟
صديقك معاذ الحميد- مرات
-من زينهم خايفين عليهم من العين وبرشلونه!
* العزيز معوكس هل لك من تعليق على اعتزال خليل جلال للتحكيم؟
راشد الدوسري - الخبر
-الله يستر لايلحق خويه ابوعجراء ويغرد خيقي بيقي!
* الاستاذ معوكس كيف يواجه العروبة الهلال والنصر والاهلي والاتحاد وهو يوجد لديه ملعب يتسع للجماهير.. اين رابطة الاندية من التدخل؟
سعد الرويلي- الجوف
-الرابطة مشغولين بالورش والمؤتمرات !
* هل صحيح يامعوكس ان ادارة الهلال ترفع شعار اهم شيء لاتهاجمني؟.. اين الدفاع عن حقوق النادي وجماهيره التي تتعرض للاساءات؟
عبدالله التميمي- الرياض
-لاتهاجمني وصادقني وخذ فنجال وعلوم النادي!
*الاسطورة معوكس
تحيه وبعد:
البرازيلي ألتون مطلوب في النصر والنصر يبيه وهو يقول ادري يبوني بس أنا....!! وعبده عطيف يتقدم بشكوى وضح لنا لم نفهم الحكاية؟
عبدالله المطيري-ابونايف
الرياض
-الحكاية عند الاحتراف اللي اخبار اجتماعاتهم تعرفها قبل تنتهي!
*العزيز معوكس
تحية وبعد:
هل تتوقع ان يصبح مصير نايف هزازي في دوري "ركاء" مع الربيع بما انه خارج تشكيلة العميد
عاشق حي المصيف
-اصلاً هو بقي فيه "مصران" راحت كلها مع الحب اللي نهايته حزينة !
*الغالي معوكس
تحية وبعد:
لماذا لايتم جلب مدرب عالمي للهلال وأربعة محترفين أجانب على طراز طيب الذكر ريفو
أبو نايف-الشرقية
-صعب ولا مثل شنبه!
*اخ معوكس صدقني أتمنى ألعب في فريق كبير ومستعد اعطيهم فلوس للمباراة اللي ألعبها المهم عندي اصير مشهور والكل يعرفني تكفى توسط لي
سفير الحلة - الخبراء
-تبي تصير مشهور اطلع في ديوانية والملعب وهاجم الفريق اللي على بالك وتدخل التاريخ والجغرافيا!
*الاخ معوكس المحترم
الهلاليون يتفقون على الجابر مديرا فنيا للفريق وجهازه المساعد برتغالي وش رايك انت في سامي يستحق الثقة الهلالية
ابوصويان-الرياض
-دامهم يتفقون انت اطلع منها!
*الاخ معوكس المحترم
لقيتك بلا ميعاد وانا على ميعاد وصرت انت ميعادي وخليت ميعادي..!
تهديها لمن ياعكوسي هل أحمد عيد له نصيب منها
متعب الشمري
- أهديها للجنة الانضباط والحكام مع التحية
*صاحب المليون رسالة ابو العواكيس
تحية وبعد:
لوكنت رئيس لجنة الحكام بصراحة توافق على استقالة الحكم خليل جلال وإلا تحاول تقنعه بصرف النظر عن الفكرة
بندر العصاي-عنيزة
-اوافق وانا مغمض واقول له موفق ودربك أخضر!
*قاهرهم وحابس دمهم ابو العواكيس
تحية وبعد:
تكفى يابو العواكيس حظي دمار كل ما اطقها عوجى من واقع خبرتك يالداهية وش الحل تكفى لاتخليني ابي نصيحتك
سعد بن سعد - حي البديعة
-طقها وألحقها!
*الحبيب الغالي ابو العواكيس
تحية وبعد:
بصراحة رسالتي قبل مباراة الرياض والنهضة على الله المدرسة فاز وصعد لدوري جميل بعد معاناة طويلة صدقني عاشقين الفريق في حي لبن كلهم امل بالصعود والرابطة يستاهلون مكافأة
ابوناصر - حي لبن
-يستاهلون دورة في الصحن الدوار مجانا!
*الاملح والاجمل خفيف الدم معوكس
تحية وبعد:
بصراحة هل زرت يومًا مدينة الجمال والسكري والكليجا والحبحب الاحمر بريدة لتشاهد النهضة العمرانية الكبيرة وبرج المياه والمولات العالمية ان لم تزرها فحياك ابوالعواكيس ضيفا معززا مكرما وستعود محملا بتنك الكليجا وكراتين السكري
علي الناصر - بريدة
-زرتها وشاهدت النهضة والرائد!