* صديقي أبوالعواكيس على الرغم من هلاليتي إلا انه من بعد ما شفت دموع البعض بعد المباراة حزنت والله وكنت أتمنى النصر يفوز والسؤال يا أبوالعواكيس نصيحتك للمشجعين الصغار من هالجيل بثقافة المنصات والبطولات والبعد عن السكر والضغط وجفاف منبع البطولات من سنين. سليمان عبدالله المبيريك - العريجاء - البعد عن السكر والشاهي والكبتشينو! * أبوالعواكيس المشاكس هل صحيح أن الأستاذ داود الشريان يستضيف بعض الاندية بأكملها في برنامج الثامنة بتقرير مطول ومفصل موضوع الحلقة متى بتفوزون؟! صديقك خالد النمير - حي الحمراء - والى متى تحلمون! * متى ندمت يامعوكس على دخولك للاعلام وهل تظنه الآن افضل من اي وقت مضى بفضل التقنية الحديثة؟ متعب الشمري - التقنية حديثة واللي يشغلها قديم ومضروب! * أبوالعواكيس ما تلاحظ ان بعض المحترفين الجدد جابوا العيد ا باستثناء الخاطوف أبوراهب.. صديقك فواز العصيمي - الرياض - البديعة -الخاطوف اللي خطف خانة سعود حمود! * حبيب الملايين المحايد عكوسي سئمنا بصراحة من البطولات وبدأنا فعلاً نقتنع ان المحلية صعبة قووية!! ما هي نصيحتك علشان نصير مثل جارنا؟ أخوك عبدالله العتيبي الرياض - حي النهضة - لا عاد الا مثل جاركم هذي اللي فعلا صعبة قوية ويبي لها قرن! * الهامور معوكس صباح الورد هل القرار المتخذ بحق سعود حمود كاف لما بدر منه بعد مباراة العربي؟ ابو نايف - عاشق حي المصيف - ناقصة خطاب شكر وباقة ورد من أحمد عيد! * السيد صاحب احلى كورنر في الوطن العربي لماذا اختفى الهداف السعودي عن المشهد الرياضي في دوري هذا العام؟ عبدالله المطيري - ابونايف - الكويت - وين اختفى وحمود الفشقة موجود! * الأخ معكوس المحترم هل انت مع او ضد ترشيح حافظ المدلج خصوصا ان البعض مع الاسف يقولون انه هلالي؟ متعب صويان - قالوا عنه الكحلي وأنا أعرف أنه عنابي! *قاهرهم وحابس دمهم معوكس تحيه وبعد: برايك ليش رائد التحدي من جرف لدحديره ووين ظنك يبي ياصل صديقك - احمد الحمد - بريدة - حي الجامعيين - اصبر شوي يروح المطوع وما تشوفه الا جنب الرمة *الاجمل والاملح ابو العواكيس وش برايك ينقص الهلال خاصة مع مطرسة القرني والفرج بندر العصاي - عنيزة - ينقصه درزن محاور! *الغالي جدا معوكس عطني رايك باللي يقول الهلال فاز بضربات الحظ الترجيحية انا اقول الذهب وراح لدولابه ترجيحية ولا غيره موضي الهلالية - بريدة - وانا اقول اللي مايطول العنب حامضا عنه يقول! العزيز معوكس تحيه وبعد: اللي وعد بتطوير القناة وبرامجها ظنك وفى بمعنى شفت تطوير حسيت بالحياد وانها لكل الاندية نواف الصيخان - حي الفلاح - اما حياد كثر منها عزالله ماشفناه والرابطه تعمل عمايلها! * الحبيب ابو العواكيس وش دعوى عسى مافي الخاطر شي نسيتني ونسيت خويي ابوعبيد وسوق الحمام يعني خلاص رخصنا عندك ولاعاد زله اوطله حمد الدوسري - ابومبارك - العزيزية - يحق الكم لنا الله يامخاوين الضبان! *الظريف خفيف الدم معوكس تحيه وبعد: سمعنا أن اتحاد الكرة يدور له مقر جديد وش ترى المناسب حسب اوضاعه الحالية الشبابي - عبودي - يمدحون العريجا الغربية والايجار ببلاش! صاحب المليون رسالة معوكس تحية طيبة: عندي أحساس انك موهوب ممكن تمثل أو تغني في غربتي تغرب النور من عيني صديقك - مخاوي الزعيم - البديعة - ان سويتها اعلن ابونايف اعتزاله وجاب برشلونة في الحفل! مع تحيات معوكس وسلامتكم للتواصل [email protected] فاكس:4871070
