عواكيس

* الاخ معوكس هل قرعة الكأس عادلة ومن تتوقع أن يلعب على النهائي.. دائما توقعاتك صحيحة
صديقك معاذ الحميد- مرات
- هذي صعبة يبي لها ابو قاضي!
* الاسطورة معوكس ..صباح الخير، هل هناك تمايز في اصدار العقوبات تجاه بعض رؤساء الاندية الذين تصدر منهم تصريحات بعد نهاية مباريات فرقهم؟
عبدالله المطيري- الكويت
- والله ياودك بعضهم يقضب الباب وهو على الصامت!
*الاخ معكوس الحين اللاعب محمد نور صار اسطورة في عيون النصر بعدما كانوا يقولون عنه انه يحتاج دكتور نفسي .. لماذا انقلب الوضع
متعب صويان
-لاتستغرب قبله كثير نسيت جلال وش قالوا عنه!
* الحبيب معوكس .. من بوجهة نظرك الخاصة افضل لاعب واحسن مدرب في الدوري السعودي؟
ابو نايف- عاشق حي المصيف
-مافيه غير ابوجبال والموهوب!
* والله امر مخجل يامعوكس ان نسمع بعض القصص التحكيمية في الدرجة الاولى.. معقولة رؤساء الاندية يغيرون الحكام بمجرد اتصال باللجنة اجل وش تسوي اللجنة؟
راشد الدوسري- الخبر
-تسوي مندي تيوس!
* صحيح ياستاذ معوكس انك بديت التحضير من الان للمشاركة في رالي حائل 2014 .. بس ما قلت لنا وش نوع السيارة التي ناوي تغامر عليها؟
عبدالله الشمري- حائل
-غمارتين توي مغبرها من مطر الرياض!
* البروفسور ابو العواكيس .. وش اللي حصل بين وليد عبدربه وكماتشو؟ .. انا اقول ما حصل شيء والدعوى سلام في سلام بس الاعلام ضخّم الموضوع؟
بدر الحارثي- الطائف
-توني ادري أن التصفيق سلام في سلام وياسلام!
* الاخ ابو العواكيس.. هل صحيح انك ممنوع من الظهور في القنوات الرياضية بسبب ميولك، وان هناك من حاول معك تغييرها عشان تظهر بس رفضت؟
صالح التميمي- الرياض
-وانت تلومني.. تبيني أظهر في درب الزلق والخيمة الشعبية؟!
* الاخ معكوس متى تقتنع بعض الاندية ان ما فيه مقارنة بينهم وبين الهلال بالبطولات والجماهير الحق يقال الفرق شاسع..
متعب الشمري
- شوية شاسع هو يحتفل بالذهب وغيره بالنقطة الخمسين!
* الحبيب معوكس لماذا لم يكتشف الاتحاديون ان نائب رئيس ناديهم غير شرعي الا الآن؟ ومن برأيك وراء هذا الاكتشاف؟
احمد المحمدي- جدة
-اللي انكشفت ميوله وحول نور على العاصمة!
* الدكتور الكبير معوكس وش تفهم من تصريحات محمد حسين عندما قال ان هناك عضو شرف هلالي فاوضه.. ظنك لها علاقه يوم يقول للنصراويين صفوا النية؟
فهد السعدي- تبوك
-اكيد..ورقع يامرقع !
* متى شعرت يامعوكس ان الرياضة عندنا ما لها ضوابط وان النظام في الشرق وهي في الغرب؟
راشد المطيري- حفر الباطن
-يوم رشحوا المدلج وبعدين سحبوه بونش دبل رباعي!
*صاحب المليون رسالة ابوالعواكيس
تحيه وبعد:
اعتذر عن الغياب الاسبوع الماضي صراحه ماودي انقطع عن زاويتك الرائعة وبودي أن أسألك وأبيك تجاوب بشفافيتك المعهودة وش أحلامك ..أمانيك
موضي الهلالية -بريدة
-والاخت في أي قناة مفسرة أحلام ونوال!
*قاهرهم وحابس دمهم ابوالعواكيس
تحيه وبعد:
وش رايك في عودة الرياض مدرسة الوسطى لدوري الاضواء يعني متشقق ..فرحان
بندر العصاي-عنيزه
-ومن الفرح ودي اركب الصحن الدوار!
*الاجمل والاملح خفيف الدم والظل ابوالعواكيس
تحيه وبعد:
وش رايك في خطوة نور يوم تنازل عن شارة الكبتنية لحسين عبدالغني
احمد الحمد-بريدة-حي الجامعيين
-يبي السلامة!
مع تحيات معوكس وسلامتكم