أكن هم القلب وأخفي أهمومه

يازين أنا بالحيل بالحيل بالحيل
أشتاق لك والوقت زادت أسهمومه
عقبك أنا شفت البلا والغرابيل
وأكن هم القلب وأخفي أهمومه
أسهوم حبك في ضميري مداهيل
والها بوسط الصدر جوله وحومه
من يوم عني رحت جتني ولاويل
والعين من حلو المنام امحرومه
يدق بي هوجاس واحط واشيل
وحملي ثقيل وزايدات» أردومه
مفادني كثر الحكي والتعاليل
مشتاق والمشتاق منهو يلومه
قيس الملوح شاف كل التهاويل
في حب ليلي ماتهنا بنومه
هذا مثل فالعشق وبعض التماثيل
وخوفي على نفسي تكون أمحرومه
ياهيه ياراع العيون المضاليل
أرفق على شخص « تردت أعزومه
سلطان دبيس المرشدي