جابها عبدالعزيز

هلا بالقاف لاحرك شعوري وانفتح بابه
يهز القلب بأوتاره ولو غابت مشاعرها
يقول أنتي لك ماضي عريق وعز متشابه
بني تحكين عن يوم انتصارك مع بشايرها
برق بالذاكرة يوم انتصار وحرب واحرابه
ووقتا قبلها مسير دموعي مع محاجرها
هنا جارا يبوق والجار والاخر يكشف حجابه
يبي ماله يبي جاهه وسيف الغدر شاهرها
هنالك أنثى تجر الصوت تخالط دمعها ترابه
مرملها زمان البين والشكوى تحاصرها
فقر مع جهل عايشته ونفسي منه مرتابه
وظلم الوقت يبكي خافقي والهم مسهرها
شريعة غاب فوق ارضي لا منقذ ولا مجابه
الين جيوش أبو تركي غدت سيلا لماطرها
مشى بالأربعين وسيفه البتار يزهى به
رغم قل العدد نفسه كبيره ماتحاقرها
رجعتي يالرياض وعاد عز للذي جابه
يادار ذكريات الأمس بانت في معابرها
رحمك الله ياعودا ابد مارد طلابه
مكانك عاليا لو غاب جسمك في مقابرها
وأبو متعب علا وقته حكم بالشرع واكتابه
حبيب الشعب له نظرة على العدوان شابرها
إذا هو خادم للبيت يخسى شخص يغتابه
يكفي صرخة الإسلام صاحت في منابرها
بعهده تاقف المرأة بعز وقدر تحيابه
حقوق البنت حافظها وصاينها وجابرها
ونايف نايفا قدرة على الإرهاب كم جابه
يعيش وشوكة العدوان خاذلها وكاسرها
على قدره وكل إنسان منا يحسب حسابه
نعيش الأمن في ظله مدام الدار عامرها
بكم حكامنا نفخر إذا عظ الزمن نابه
إذا ضاقت علينا الأرض ماضاقت خواطرها
مدام الدين منهجنا يهون الهم وامصابه
تحيا دار اخو نورة وشرع الله منورها
سعودية أنا أعشق ربوع العز واهنا به
أعيش وبداخلي جمرة غلا والقاف مظهرها
سعودية أنا لوعشت جور الوقت ماهابه
ولدنا أحرار وما نخضع لغير اللي مسخرها
سعودية وأنا افخر بدار العز وأترابه
سعودية قصيدة داخلي ما مل شاعرها