مرحوم يا نسل الشيوخ السلاطين

وش جبت يا سبت الحزن من عناوين
زلزلتنا أمه وشعب وطوايف
عطنا الخبر عاجل وخذ دمعة العين
وثورة براكين الضلوع النحايف
ويا هاجسي دام الشعر بالمظامين
سطّر حروف القاف حزن ونكايف
والله مالي بالشعر والدواوين
إن ما بكى شعري على موت نايف
مرحوم يا نسل الشيوخ السلاطين
يا نايفاً نايف بروس النوايف
انودعك وأصواتنا تهتف آمين
ياالله عساك بجنة الخلد كايف
وياالله عسى قبرك زهور وبساتين
وروحاً وريحانن وجنة ولايف
الموت حق وكل نفس ٍ لها حين
ولا عاد ينفعنا البكأ والحسايف
وان مات نايف بالفعل خلفه ألفين
في قوته في سطوته والوصايف
الأمن من رجل الأمن للامينين
طيور شلوى منهم الضد خايف
هداتهم ترهب طغاة المعادين
وتصب في راس العدو النكايف
الله خلق للدين حمّاية الدين
وبالشرع صرنا مثل ماالكل شايف
إن غاب حر ينوب للحر حرين
وصقور نايف فعلها فعل نايف
محمد حلوان الشراري