جيتك وله

يا خافقي الله يحقق أمانيك
وتملك خفوق الترف صافي الجبيني
الجادل اللي طيفها دايم يجيك
الله يحننها ويمك تليني
قلت لغلاي أبيك وأبيك وأبيك
وماغيرك بقلبي حبيب وضنين
اخذي أمان اني لاصونك ورعيك
واني لاحطك وسط قلبي وعيني
ياحلمي اللي عبر الايام برجيك
تعالي نعوض عجاف السنين
اهديت لك خافق وسلمته يديك
عليه حني وارحمي واحتويني
جيتك وله واقبلت بالعمر افاديك
وانتي وعدتي بالعمر تفتديني
وصلني حساسك قبل ملتقي فيك
مثل حساسي يوم قلتي يجيني
فديت روحك يا غرامي وطاريك
وفديت عينٍ فاض منها حنين
تو الحياة تزين بعيون مغليك
ودرب السعاده قدم عينه بيني