غلاك ما ينقاس

يا خادم البيتين لا باس لا باس
أسعد خبر جابه الأثير وسمعته
إشفاك لقلوب الملايين نبراس
يا من غلاك بكل قلب زرعته
يا طيب الجدين يا معرب الساس
برجيك شعبن للمعالي رفعته
معدن ذهب ما هوب قصدير ونحاس
كم واحدن من فضل جودك نفعته
غلاك ما ينقاس ولاله إقياس
الا بوسط قلوب شعبك طبعته
لدين بك غيره وللشعب حساس
أما الوطن يم التقدم دفعته
كفك ملاذ الي من الوقت محتاس
ولا ضن يقوم الي بكفك صفعته
على الوطن والشعب غيث ونسناس
والشر عنهم كل حبله قطعته
الدار بقدومك لها تقرع اجراس
دارن غلاها من فطامك رضعته
مكانته بين الدول ما لها اجناس
من طيب راسك للكواكب رفعته
الله يديم العافية عد الانفاس
واعداد ما فرضن لربك ركعته
واسم بن بداح أبو صخيل السبيعي