فخرها من رفع لا خضر علمها

بسم الله أبدي واستعينا
بديت القول من قلب فطينا
بديت بذكر ربي واستعينه
إلهٍ كامل فضله علينا
يدوم الفضل له رب خلقنا
كريم الوجه رب العالمينا
على النعمة وامانٍ في وطنا
حمدنا الرب حمد الشاكرينا
وهذا خادم البيتين داما
يدوم أله البقا مدى السنينا
يطبق شرع ربه في بلاده
وشرع الله شعار المؤمنينا
حكيماً للقيادة والسياسة
ولا منه رسم خطة تزينا
بيوت الله بعزومه بناها
وقام التوسعة بالمسجدينا
وعلى شعبه رغد وامن وعداله
رعاية شاملة في كل حينا
ملكنا دام عزه في بلاده
نصره الله بالنصر المبينا
ولي العهد زيزوم السرايا
هقاويه البعيدة تحتمينا
أبو خالد سند منهو عناله
لشعبه يرتكي درع متينا
عسى الله ينصره ويعز جا له
لشعبه بالعطاء مد اليمينا
قيادتنا الحكيمة بالمعارك
تجي ضد الغزاة الغاشمينا
وطنا ما حد يقرب حدوده
ولا نرضى الطمع في لاخرينا
جنود للوطن مدى الليالي
سوات الحي مثل السابقينا
فخرها من رفع لا خضر علمها
ملوكن للقيادة صالحينا
سلاطين على قمع المعادي
رحيمين على اللي مهتدينا
عيال اللي جمع شمل الجزيرة
على التقوى وعز المسلمينا
من عام الف وثلاثميات هجري
وتسعة عشر تاريخه يبينا
هذا عبدالعزيز أبو العدالة
حكم دولة بحكم العادلينا
جزاك الله يا صقر الجزيرة
عن الأمة رياض الصالحينا
دهيم عنزي بن حزمي السبيعي