دون الوطن برواحنا نرخص السوم

الناس مرتاحه وانا اغط واقوم
النوم ما طابت لمثلي حلومه
والحمد لله فيه حاكم ومحكوم
ومن ضاع حقه يشتكي للحكومه
ما بات من يشكي من الشعب مظلوم
في حكم ابو متعب تقوى عزومه
يحكم بحكم الشرع لعله يدوم
ومكه وطيبه في ذراه امخدومه
هذا ملكنا هو ذرا كل مضيوم
تعط العطا يمنى بشعبه رحومه
وولي عهده معتلي كل زيزوم
عم السعد كل الوطن في قدومه
سياسته يشهد بها دايم الدوم
ولجل ابو خالد كل صعب(ن) نقومه
وفي سيدي سلطان ميزات وعلوم
في الخير والاحسان تلقى علومه
كم شيدوا بيت(ن) من الفقر مهدوم
وكم جاهل(ن) علم صلاته وصومه
وقام الرخا يزداد يومن ورى يوم
والمجد عدينا بعالي ارجومه
دون الوطن برواحنا نرخص السوم
بذن الولي نودع عداه امهزومه
والعز للاسلام والنصر محتوم
لو العدو هدد بكثرة هجومه
وصلوا على من نوخ الفرس والروم
نبينا اللي سلمنا من سلومه
نهيتان مزعل الأسعدي