* فيه عضو لجنة قابلته والرجال فاكر انه سيكون ضمن التشكيل الجديد، يعني نقول يامعوكس على الرياضة السلام؟ غالي الشريف- الباحة - السلام وسلم لي على الغالي! * الأخ معوكس صباح الخير عندنا عمدة الحارة يمشي بالممشى 10 كيلو يوميا وحنا شاكين فيه وش رأيك نعرضه على لجنه المنشطات؟ عبدالله العبيوي وهاني العنزي المصيف - وين تعرضونه.. الدعوى بقالة للتقبيل! * هل تتوقع يابوالعواكيس أن المنتخب السعودي سينافس على كأس آسيا 2011 ؟ نايف الميزاني- رفائع النجج - حسب توقف الدوري! * الأخ العزيز معوكس تحية طيبة وبعد.. ماهو السبب الذي جعل (ابوالخواتم) ينقطع عن مساء الرياضية؟ محبكم ابو محمد-روضة سدير - ضاعت الخواتم والمسابيح! * وش رأيك يامعوكس يحطوني عضو في لجنة الانضباط، رايح تشوف قرارات تعجبك؟ فهيد الغوينم – الدمام - الله من زين اللجنة اللي تجتمع وتطلع بدون قرارات! * أحس أن اللى جاوب بعواكيس ما هو خوينا معوكس الوكاد انك رحت لبرنامج خط الثمان طعش؟ عبد الرحمن الفوزان_ابو سارة - اشوف الدعوى صارت كنها مطاعم مندي كل يوم برنامج جديد! * يابو العواكيس عندي اقتراح يصلح للنجم الخلوق خالد عزيز يرقى ويحول دووغري مساعدا لرئيس قسم التدليك بالنادي؟ بدر اليعقوب- القيصومة - ابو عزيز ماله إلا الاشراف على المسبح! *عزيزي معوكس وش رأيك تزورنا بالقيصومة ونستقبلك مثل استقبال حسام غالي؟ أخوك المشجع النصراوي الوفي لافي صالح العنزي - اقول الله يخلف .. كنه جاب رأس غليص ولا الرباعية * تحية طيبة وبعد كرما لا أمرا ..تكفى أويلاه علمني اسمك الحقيقي وأوعدك ماعلم به أحد تكفى ياأخي !؟ وشكرا. هلالي-قصيمي - اويلاه كم تعطيني من تنكة كليجا واعلمك! الفريدي * كيف ياستاذ معوكس عقب مباراة النصر والهلال يطلع واحد ويقول افيقارو لن يوقف، وتجي لجنة الانضباط وتصادق على كلامه؟ خالد الميموني – الارطاوية - يمون وعنده خبر! * ارجوك يامعوكس انصح الفريدي عشان يثقل شوي، حرام يخرب نجوميته بالنرفزة؟ طلفاح الشمري – حائل - مافيه فائدة فيوزه ضاربة ويحتاج تحديث! * ياخوفي يامعوكس يسوي جلال في المونديال الجاي زي ما سوى في مباراة النصر والهلال أرجوك خلك حواليه؟ سعيد القحطاني-أبها - يكفي الريس عمر حواليه اول وتالي! * ماهي رؤيتك الثاقبة لتشكيل المقبل لبعض اللجان؟ سعد الربيقي – نجران - زي ماهي ما تتعدى المنسق والخبير الكحلي! *مع الأسف يامعوكس لم نشاهد مصورا بارعا التقط كوع افيقارو، شكل المصور اياه عينه على رادوي عشان مايفوته وقت الطبع؟ محمد السالم – رماح - مصور بارع يشترط عدم ذكر المصدر! ما تتوسط لي يامعوكس اصير في إحدى اللجان؟ نامي الحارثي – الطائف - يشترط تفتح على كوع وتغمض عن الثاني! * انا صراحة يامعوكس ودي لو أصير أمين في أحد الأندية مايهم كحلي بنفسجي فسفوري، المهم أصير بالنصب وأصرح للصحافة والفضائيات بشرط يكتبون خبير معتمد؟ نواف الجعيد - جدة - خبير معتمد في زعبيل! * الغالي معوكس تحية وبعد: اغنية يابابا اسناني واوا ودوني عند الطبيب لمن تهديها؟ صديقك بندر العصاي- عنيزة - اهديها لثقيل الدم اللي فاكر نفسه ظريف! * صاحب المليون رسالة ابوالعواكيس وش رايك في اللي هاجم زعيم المعلقين البكر وقال عنه كهل؟ محبك عبدالملك المرشد- عرقة - اقول تكفى ياالشاب الوسيم اللي تطاردك شركات الدعاية فعلا شين وطويل لسان! * معوكس ظنك ان الخبير الكحلي وهق الاداري بمهاجمة سامي وما ذكره بالسالفة المسجلة مع جلال؟ عبدالله السنيدي- الرياض - بعض الخبراء ماعاد يجمع والجايات اكثر! * الاستاذ معوكس هل هناك فارق عند لجنة الانضباط بين كوع وكوع؟ حمد الدوسري- ابو مبارك - اللائحة عندهم تجيز الاكواع الارجنتينية لمطابقتها للنظام!
