مدري بخلان الرخا وش مرغبك وش ولعك في ناس ماقلدوبك ولا ثمنوا حقك وقاموا بواجبك ربع يذريها الذرى عن هبوبك خسران لو تشكي عليهم مصايبك ان كان ماتلمس يدينك جيوبك في ذمتي ما منهم اللي يصاحبك وعند النهايه برقوا وضحكوبك كم من ضحوك يستغيبك ويكذبك اليوم صدقانك وباكر حكوبك وبعدالرجا فيهم تكدر مشاربك هراجة المجلس ليا ما لقوبك شي يقولونه حداهم تنكبك ومالوا بسوق المهزله ونزلوبك ضعاف العقول اللي تسولف عن الدبك يسبك اللي عاجز عن دروبك لا فاعل فعلك ولاهو مجنبك اعرف على جسمك تفاصيل ثوبك وترك مذاهبهم وعزز مذاهبك