الوطن غالٍ بكل مدنه

اشوف بعض الرجال اعقولها دندنه
مدري وش اللي تبيه ويش ترمي إليه
مثل التنك فارغة والصوت من معدنه
ودك ليا من هرج تاقف وتاطى عليه
خبلٍ يسوي علينا بالرخاء ولدنه
الناقص اللي كمل عقله وعود سفيه
اللي سوات البهيمة في شعيب بدنه
مربعة تاكل من العشب ما تشتهيه
معهم ومعهم عند الصاملات عدنه
ما فيه داعي تسولف لي على ما تبيه
اللي تجرد من ثيابه وعاف بدنه
تبت يدينه وخابت من تحرى يديه
ما يدري ان الوطن غالي بكل مدنه
ليا حصل شيء له بارواحنا نفتديه
عبدالله الهقاش