العمر يفنى والليالي سريعه

والوقت ما هو للمخاليق دايم
والآدمي لو عاش يصرم ربيعه
لا بد ما ترجع عظامه رمايم
يالله بعفوك يا عظيمن نطيعه
رحماك يا مجري هبوب النسايم
لا قالو ان النفس عندك وديعه
لطفك وتدري بالذنوب الجسايم
عشنا وشفنا بالزمن والطليعه
عجايب الدنيا تزيد العظايم
احدن يجي ذكره براس الرفيعه
واحدن ما هوب لمنهج الطيب رايم
واللي بذل جهده بمايستطيعه
وبطاعة المعبود والخير قايم
يكسب رضى ربه ويحسن صنيعه
ويعيش ما لحقه من الغير لايم
نواف بن محمد الصخابرة