انا بعدك

تعلمت الحنين ومفردات الشوق
ولا ادري كم بقاء عني من احساسك وكم جاني
وانا بعدك كتبت (اسمك) على ثغر الزمن منطوق
ولا ادري كم كتبت (اسمي) وكم حاولت تمحاني
وانا بعدك عيوني باكيه والدمع بل الموق
ولا ادري عن عيونك كم بكت مره على شاني
وانا بعدك جرحت الليل بين الشعر والطاروق
ولا ادري كم حفظت من القريض لشاعر ثاني
وانا بعدك لقيتك في مساء ليل الجروح ابروق
ولا ادري عنك لاسرّحت طرفك وين تلقاني
ون بعدك عرفت ان السهر له فالعيون احقوق
ولا ادري كم عطيت النوم من يقظات الاجفاني
وانا بعدك عرفت ان العذاب بدنيتك له ذوق
ولا ادري كم جهلت ان الخيال بعالمك فاني
قسم باللي بسط سبعٍ تحت سبعٍ رفعها فوق
ماغيرك من تملّك مهجتي. واحتل وجداني
ابيك وقابلٍ حكمك . وغيرك مرتجي مخلوق
ولو مره تواصلني . وعشر امرار تجفاني