عتاب

ليه الجفا مكتوب في صفحة الشوق
وليه الغلا ماله مع الخل طاري
وليه الهوا وهو الهوا صار محروق
وليه الفرح تضوي عليه الضواري
العشق يا خلي عن الحقد مفروق
والحب ما هو بين بايع وشاري
الحب له معنى تعلى به لفوق
شيّد قصوره فوق عالي السواري
والحب له مسكن رفيعٍ ومرموق
في وسط قلبٍ داخل الصدر ذاري
جيتك وانا للود يحداني الشوق
تدفعني أشواقي بدون اختياري
وجيتك وانا فرحان يرفعني الموق
من فرحتي بين بعيني مواري
ورجعت من عندك حزينٍ ومخنوق
تكسرت في وسط صدري العباري
باسباب صدك عفت دنياً لها ذوق
سمحت من دنياً حلاها مراري
انا الذي اغلاك من كل مخلوق
ودمحت زلاتك بدون اعتذاري
وانتي جرحتيني .. والاسباب منطوق
من يجبر الخاطر ويرد اعتباري
خالد بن ناصر المخيمر