يسيل من وبل الجزيلات واديه بنات من بعيد تحداله لا قبل لقى جزل المعاني تناديه من واقع التجريب يفتح مجاله وفي صحصح المعقول يطرب تماديه اما يجيه الجزل ولا عناله على طريق الحق دايم مقاديه البارحه فكري تعدا خياله خيل خياله واسود الهم حاديه نوه غشاء الساحة وما جا قباله وسيله جلى عن صافي الشعر صاديه لقيت حال الشعر كلٍ رثاله من يوم ضيع في طريقه مباديه يا شين بعض الشعر يا شين حاله يا قل مدلّه ويا كثر غاديه قافه وطاروقه على الجزل عاله كن المعاني في حروفه تعاديه تنسد نفسك لا سمعت لمقاله ما عاد ودك ترتبط في نواديه لولاي اسلي خاطري برتجاله والله مدافع عنه لحظه واهاديه القاف شاب ونكروا به عياله ما منهم اللي بالمصالح يفاديه من عقب ما كانت تورد حباله تقطعت ما قد تجاوز بواديه كل يبي ياصل بشعره مناله كل يبي يكتب وينشر دواديه بالمال والا الجاه يرفى خماله تصفيف هرجٍ بالقوافي يقاديه حتيش لو شعره تبين بماله ما يخدع أهل العرف لجة رواديه واللي حفظ قدره تحيز لحاله عافه بعد شافه وكفكف اياديه لكن بقى شعره على ما بقاله وإذا قريته فاح مسكه وكاديه راح القصيد اللي يشرف مقاله حمايته كلوا وملوا معاديه مرحوم يا شعر الفخر والجزاله سبة سهوم غارقه في ثناديه تكفون يا هل المعرفه والاصاله ارثوا لحاله دام جاكم مناديه قلته وأنا فكري تعدا خياله خيل خياله واسود الهم حاديه عبدالله مرزوق المرشدي
