لآلئ شعرية

ساحة العرض امتلت شعر والشعّار ضول
ولجنة التقييم تنقى الجزيل من الهزيل
القصيد الزين يلقى له اصغاي وقبول
ما يمر براعي الذائقة عابر سبيل
والقصيد الشين لاعرض لأصحاب العقول
عارضوه بصد والاّ بشي من هالقبيل
مثل قاليّة على طول ياراع الرحول
يوم راع البل يعرف الهتيت من الذبيل
والقصيد السايد الحينه اسرع مايزول
لو يبا الشاعر يقاديه والمنشد يشيل
صار نصفه مدح واكثر معاويده فحول
شجرةً تكره ثمرها ولا فيها مقيل
قولة (الشاعر) بنفسي ماعاد إلها ميول
عيّت النفس العزيزة عن العزة تميل
يحسبون ان كل شاعر على أبواب الدخول
وانا يكفيني بدنيايه الشي القليل
استعنت بعون ربي على شيل الحمول
وشرهة الحمل الخفيّف على الحمل الثقيل
والله اني كل ما أصبحت ولا أمسيت اقول
جعل ما للي يمنون في بطني جميل