نفحات المدارات.....

هناك أبيات من الشعر تمر بنا، نقف معجبين بها، ونحاول ألاّ ننساها ونرددها، لما ضمنها الشاعر من فكرة أو صورة أو تعبير، أيضاً قد يكون منها أبيات القصائد، فعندما تسمع قصيدة يمر بك بيت شعر منها، ضامناً الفكرة والصورة والتعبير التي جعلت الشاعر ينظم هذه القصيدة، وهو ما يسميه الشعراء بيت القصيدة.
وإليكم أعزائي هذه الأبيات المختارة من الشعر.
صراحة
اليا تفضا ياخذ الناس بالهرج
ومداه عن قضي اللوازم قريّب
وين ما نفع بالضيق والماقف الحرج
وقت الرخاء كل شجاع وطيّب
ولا صار ما تقضي لزومك من الدرج
ما عاد ينفعك الرفيق الحبيّب
هذا الزمان اللي به الهرج والمرج
متساوي به كل طيب وخيّب
ذيب الصقري
***
وصية
عليك بمجالس هل الفهم يا ديب
أهل النظر والميز والعرف واخيار
لا ضاع فكرك قضبوك العباعيب
لا ما يعدونك عن الشوك واوعار
ويا ديب وان جوك النشاما الشواريب
كثر لهم من غاية البن وبهار
اللي هقوا بك هبة الريح والطيب
ولا تفلّس اللي منتوينك بمسيار
محمد بن عمار
رجولة
الصديق ليا غلط قلت له تكفى مجار
ولا نبيعه لو تبيع السلوم اعرابها
والله اني ما حسبت المسافة والديار
دام رجلي كل قاع تدوس ترابها
حسين القحطاني
***
لحظة
يا ناس بالله لا تصيرون ضدي
من لا هرج بالعدل يكفي سكاته
يا ناس مجروح الضمير المودي
خلوه يدله ساعة في حياته
يا صاحبي ما هو بودك وودي
لو ودنا كل تخير مناته
مرشد البذل
غزل
الزين والله بين جيه وشهور
لي شافها قلب المشقى عشقها
ما جمعت زينة تلاميع وخصور
زين على زين من الله خلقها
الخد براق سرى يشتعل نور
من مزنة تبرق ويرعد شنقها
والنهد مزموم على الصدر مزبور
رمانة قد حت عنها ورقها
والعين عين اللي على الجول مسعود
إما ذبحها درج والا لحقها
سحلي العواي