عاشوا اللي عزوا الابل

في عشق الابل.. واستحسان ما يقام من أجلها من مسابقات تحفز اهلها على العناية بها وربما اغرت آخرين باقتنائها.. وصلتنا هذه المشاركة من الشاعر محمد الدوسري حيث يقول:
اسمحوا لي كلمةٍ واجب منطوقها
واعذروني كان قولي حصل منه قصور
عاشوا اللي عزوا «البل» وعزوا سوقها
كنها في عام صباب ماجاها ادهور
عزها مع كل شمسٍ يبين شروقها
قبل يخلق عمر الانسان لا يوم النشور
دايمٍ يكفيك عرف الرجال وذوقها
والمزاين قام به كل منعورٍ غيور
دايمٍ عزم النشاما ما هوب يعوقها
وارفعوا قيمة ثمنها طويلين الشبور
المراجل كل شهمٍ يعدي فوقها
وارفعوا قيمة ثمنها طويلين الشبور
المراجل كل شهمٍ يعدي فوقها
لاجلها ما هوب يهتم من كل مخسور
المراجل كل شهمٍ يعرف طروقها
جعل يفدا من رفع قدرها كل معثور
ريفها كل ابلجٍ يعتني بحقوقها
ما نساها كل شهمٍ على الشده صبور
كل شهمٍ من هل الطيب شوقه شوقها
دايمٍ في شفها ما تسمع كل شور
كم رعت في سهلةً زايفٍ زملوقها
كل ما بكر لها الوسم ثم زان البشور
من مزونٍ كل ما نشت تلوح بروقها
جعلها تسقي مداهيلها طول الشهور