تسلم لنا يا درعنا

ننعم بأمان وخير وأرزاق وأنعام
يا واحدٍ كل الخلايق برجواك
طالبك ياللي للمقادير علام
تحفظ لنا اللي قوّم الدين وارضاك
يحكم بحكم الشرع وبدين الإسلام
سلطان سلطان السياسة والإدراك
سلطان سلطان الشجاعة والاقدام
تسلم لنا يادرعنا لا عدمناك
يا عزّنا لا ركبت غير الأيام
يا أميرنا بالدم والروح نفداك
نفداك ياسلطان ياعوق الأخصام
يا ما عطيت ولا تحسب عطاياك
يا أبو الفقارا والأرامل والأيتام
ما قط تنساهم ولا قط ننساك
ولا قط ردوا عنك بكروت وارقام
ومواجرٍ حتى بضحكة محيّاك
وتواضعك للشعب عسكر وخدام
الطيب سمي طيب من يوم خاواك
اسمه مع اسمه عز واسمك له إكرام
ولو يكتب التاريخُ مجمل مزاياك
كل الورق غلق وجفن الأقلام
كل الخصال الطيبة ما تعداك
وانت الذي تلبس بها تاج ووسام
ميزك ربي بالتواضع وعلاّك
بفضايلٍ عمّت على شعبك عظام
زرعت حبك بين شعبك وحيّاك
يامتعبٍ عوص النجايب والأقدام
في راحة الشعب وهذا غاية مناك
ولا هي غريبة حاكمٍ نسل حكام
ويالله ياللي كلبونا برجواك
تحفظ لنا جزل العطى عدة أعوام
محمد خربوش العتيبي