العيون الساهرة.. كما الحصن الحصين

يا الله يا المعبود يا والي الكون
يا واحداً كل الخلايق ترجاه
تحمي الوطن من كل حاقد ومفتون
ويدوم لنا الستر والدار تحماه
راح الملك والشعب بالحزن يبكون
راح الفهد يا الله عسى الخلد مثواه
يا الله عساه بجنة الخلد ممنون
وتصبر الأمة على حر فرقاه
اللي حكم بالشرع والحق مضمون
حكيم رأي ويعطي الحق منجاه
شيخ العروبة وأهل العرف يدرون
ولو راح تبقى دائم الدوم ذكراه
زعيم حق وعارف كل قانون
حكم بشرع الله في كل مبداه
كل العرب من طيب حكمه يخضعون
قالو زعيماً للعرب كيف ننساه
حتى دول الغرب جونا يعزون
قالوا حكيم الرأي ملزوم ننصاه
وشعب السعودي بالوفاء له ينادون
ويدعون له بالخير في كل طرياه
راح بسبيل الله ومثله يحكمون
حكامنا آل سعود تمشي بممشاه
حكم زعيم الراي بالحكم مأمون
عبدالله اللي تعطي الحق يمناه
شعب السعودي بالوفاء له يطيعون
ويبايعونه بالوفاء حق لرضاه
ما مثل أبو متعب مع الناس يمشون
زعيم ما نلقى وصيفه وجلياه
حكم العدالة فيه ياللي تعرفون
يحكم بشرع الله بأطيب نواياه
وسلطان سلطان السعد كان تدرون
سلطان راع الخير في كل ممشاه
يعطي اليتيم ويعطي اللي يزورون
ومن طيب نفسه ما يحسب بدنياه
وختم كلامي عد ناس يصلون
على النبي وعداد ما سارت خطاه