شهر المكافأة

لا وحسايف راح شهر المكافاه
حان الوداع نشوفه اليوم رحال
قرب رحيله واكثر الناس تنعاه
تبكي على شهر الحسنات ماطال
يالله يالمعبود يالله يالله
تجز صيام الشهر في خير الأعمال
يا واحدٍ كل الخلايق برجواه
ترحم ضعوفٍ تحت رحماك نزال
برجواك عفوك يا عظيم المعافاه
نطلبك يالمعبود تحقيق الآمال
بين العتيم وسوقة الفجر قمناه
ساعات نطلب ليلة القدر عزال
الليل كله سجد أطراف وجباه
ومكفكفين اعبارنا خوف واجلال
نخشى من التقصير في كل معناه
ونقاوم النفس الضعيفه والاملال