فهد العروبة نصرة المستغيثين

اكبر مصيبة عايشتها الملايين
مليار مسلم يسهر الليل ما نام
ينعى بدمعه خادم البيت والدين
اللي بكفه كف دمعات الأيتام
واللي تكفل بالضعوف المساكين
واللي مشى درب الشريعة والأحكام
واللي شمل عفوه جموع المساجين
واللي رفع بالحق رايات الإسلام
واللي لشعبه مسهر الفكر والعين
واللي حمى البيتين من جور الأخصام
واللي يرجح مايلات الموازين
فهد فهد يكفي مقامه لياقام
هذاك ابو فيصل نحاز المعادين
للزين زين وللمعادين ضرغام
تهابه العالم من الصين للصين
حاكم ورث حكمه على ساس حكام
فهد العروبة نصرة المستغيثين
فهد البطوله للصعيبات مقدام
ليث العرب لاجات وحده وثنتين
عز العرب نور على الدرب قدام
مرهق سلاطين الدول بالقوانين
لا قلت الحيله وجفن الأقلام
وأقرب مثال اللي حصل عام تسعين
ومن قبلها لبنان في ماض الأيام
ولا تخلى عن قضية فلسطين
وغيره وغيره هو ذرى كل منظام
يالله يا قابل صلاة المصلين
ياللي على كل الخفيات علام
تجعل مكانه في جنان البساتين
وتثبته في يوم تثبيت الأقدام