اختيار: زهران عون الله المطيري/بريدة

أبيات مختارة

ترى شور من لا يستشيرونه الملا
شمعة نهار في ضياء الشمس ذايبه
ومن عاب شخص قبل يبصر بنفسه
يرى فيه ملا ينحصر من معايبه
راشد الخلاوي
لا شفت جفوة من رفيقي لقيتني
عزوم على جفواه من كل الاحوالي
اجازيه بالصده على قدر مايبا
واشيع ثناء مجده على روس الاقذالي
ولا ابين اسراره وعاره يعورني
مقادم كراماته تكافي عن التالي
سليمان بن شريم
الحلم عند مصارع النفس بالغضب
هو قاهر الظالم عن المظلوم
وترى احتكاك الزند بالزند يجرح
والنار من قدح الزناد تقوم
كم من صبور نال غايات المنى
وكم من جزوع بالفلس متهوم
مرشد سعد البذالي
من لا يطيب وتشهد الناس طيبه
ما صار له تاريخ ابيض ولا هيب
ومن لا حسب لحساب رمي يصيبه
ما ينفعه كثر الحسايف اليا صيب