يا ديرةٍ ربي بحفظه حماها تبقين في ظل الميامين بامان بامر الله اللي عاليٍ في سماها ما دام سلمان المكارم والأحسان هو العوض بعد المليك وذراها عبدالله اللي جعل غرات الأمزان تمطر على قبره ويزهر ثراها قاد السفينة واعتلى فوق مابان والدار صارت في نعيم وتباها واليوم سلمان السعد درع واركان للدار وأهل الدار والله رعاها قايد محنك من سلايل كحيلان وكل العلوم الطيبات احتواها الدار تزها به وللدار سلمان في ظل قايدنا يشعشع ضياها نبايعه بيعة ولا طول الأزمان لحكامنا نبقى ونعلن ولاها وللنايب الأول تحية وعرفان مقرن سليل المجد حامي حماها عضيد سلمان الفخر طير حوران والكايدات يحلها لا نواها ومحمد اللي للمهمات مزبان درع الوطن والله بامانه عطاها سيف الوطن والدين للحق ميزان قضى على الفتنة وطفى لضاها والله يحفظ الدار من كل خوان اللي تمكن بالضماير غلاها - نواف بن محمد الصخابرة
